collaboration,
Literary: Laro Tayo
Sa isang larong tinatawag na “pag-ibig”
Ang unang mahulog ay ang taya.
Hahabol ng hahabol hanggang sa makuha,
Ang matamis na “oo” na pinapangarap.
“Pagbilang ko ng tatlo nakatago na kayo.”
“Isa!” Sana hindi mahirap habulin.
“Dalawa!” Sana hindi mahirap suyuin.
“Tatlo!” Sana ay maging akin.
Ang larong ito ay depende sa’yo,
Kung may pag-asa ba o talo na agad ako.
Hindi maganda ang laro kung madali ito,
Ngunit ito’y masaya kaya ‘wag ka sanang susuko.
Kaya heto pa rin ako,
Patuloy na hinahabol at hinahanap ka.
At noong akala ko’y wala ka na,
Sa aking likuran ay may biglang tumaya.
0 comments: