filipino,

Literary (Submission): Misteryosong Mundo

2/25/2019 08:14:00 PM Media Center 0 Comments

Dito sa mundong punong-puno ng misteryo
May hiwagang sa puso’y nagtatago
Kailangan lamang hanapin ang kandado
Sa puso ng iyong kapares, doon sa malayo

Ang pag-ibig na hinahanap, maaaring nariyan lang
Diyan sa iyong tabi na laging sinasandalan
O ‘di kaya nama’y sa ‘di kalayuan
Sa likod ng kalawakan ng sangkatauhan

Kung doon matatagpuan ang kapares ng iyong susi
Bakit ‘di pa maglakbay sa mga ulap na puti
Sumakay sa mga bitui’t tawirin ang langit
Lagpasan ang anumang kaharapin at hagupit

Sapagkat kung ika’y tunay na umiibig
Kakayani’t magtitiis para sa pusong pumipintig
Tutuklasin ang hiwaga’t misteryong bumabalot
Hahanapin ang pag-ibig nang hindi natatakot