Amelia,
Heto ako. Naghihintay sa pagtunog ng telepono.
Iniisip kung dapat ba akong tumawag,
Gayong alam kong baka hindi ako ang gusto mong kausap
Itataas, pipindot, sabay baba
Bakit ba ang hirap sabihing
Mahal pa rin kita
Nakatingin sa kisame, naghihintay pa rin sa'yo
Baka sakaling sa akin mo mahanap ang kulang sa sarili mo
Heto ako. Humihiling na sana nasa akin ang sagot.
Para hindi ka na maghanap sa iba,
Para hindi ka na lumayo
Kung kaya ko lang abutin ang kabilang linya ng telepono
Para malaman ko kung hinihintay mo rin ba ang tawag ko
O may ibang boses ka na bang pinakikinggan
Nahanap mo na ba sa iba,
Ang sa aki'y hindi mo natagpuan?
Paikot-ikot sa kama
Ibinabaon ang mukha sa unan
Para mapigilan ang pagtulo ng luha
Alam ko kung saan ako nagkamali.
Kinapos ako.
Kulang ako para sa'yo.
*NOTE: Ang mga naka-italicize na mga taludtod ay nanggaling sa kantang "Masyado pang Maaga" ng Ben&Ben
Literary: Kulang
Bakit ba ang hirap-hirap, magsabi ng diretsahan?
Heto ako. Naghihintay sa pagtunog ng telepono.
Iniisip kung dapat ba akong tumawag,
Gayong alam kong baka hindi ako ang gusto mong kausap
Itataas, pipindot, sabay baba
Bakit ba ang hirap sabihing
Mahal pa rin kita
Heto ako. Gulong-gulo ang isipan.
Nais kang tawagan, upang iyong malaman
Ngunit hindi alam kung paano ipaaalam
Bakit ba ang hirap sabihing
Mahal pa rin kita
Ano bang 'yong hinahanap? Nasa akin ba ang kasagutan?
Baka sakaling sa akin mo mahanap ang kulang sa sarili mo
Heto ako. Humihiling na sana nasa akin ang sagot.
Para hindi ka na maghanap sa iba,
Para hindi ka na lumayo
Nakatingin sa kisame, iniisip pa rin kung paano
Sasabihing walang mali sa pagmamahal na ibinigay mo
Tanging ako ang nagkaproblema sa atin
Hindi inisip kung tama nga ba ang nais gawin
Makipaghiwalay at tuluyan kang palayain
Tahan, pwede ko bang malaman laman ng 'yong isipan?
Kung kaya ko lang abutin ang kabilang linya ng telepono
Para malaman ko kung hinihintay mo rin ba ang tawag ko
O may ibang boses ka na bang pinakikinggan
Nahanap mo na ba sa iba,
Ang sa aki'y hindi mo natagpuan?
Matagal ko nang gusto itong sabihin sa'yo
Mga problemang aking 'di na kayang bilangin
Nais kong tawagan ka at ika'y kausapin
Ibahagi lahat ng problema kong kaytagal nang kinikimkim
Maibsan ang bigat, gumaan ang damdamin.
Saan nagkamali? Pwede bang bumawi?
Ibinabaon ang mukha sa unan
Para mapigilan ang pagtulo ng luha
Alam ko kung saan ako nagkamali.
Kinapos ako.
Kulang ako para sa'yo.
Patawad, ‘di nais na ika’y saktan
'Pagkat ako'y naguguluhan lamang
Waring sa akin ay may kulang
Dahilan ng pusong nahihirapan
Akalang solusyon ay sa’yo matatagpuan
Pero alam ko sa isip ko,
Naramdaman ko sa puso ko,
Kahit kulang ako para sa'yo,
Minahal kita.
Mahal pa rin kita.
Higit sa sarili ko.
Diyos ko, ba't 'di kita malimot?
Sa tagal ng ating pinagsamahan
Batid kong di na kita malilimutan
Mabigat na desisyon, kailangang panindigan
Basta't patuloy kang mamahalin
Kahit tapos na ang lahat sa atin.
0 comments: