arrow,
Litong Tanong
Marami akong gustong sabihin
Pero idinadaan ko sa tawa
Mga salitang ayaw bigyang-pansin
Nangangambang ika’y manawa
Hindi kailan man dumapo sa isip
Sa akin, puso’y ibibigay
Hanggang ngayon ay parang panaginip
Na puno ng di kilalang kulay
Bakit ngayon lang?
Ang una kong tanong
Kung kailan di na ako ilang
Sa iyong pakuwela’t pabulong
Sigurado ka ba
Sa kuwentong gusto mong buuin?
Ako bilang iyong kasama
Sa lahat ng likong tatahakin?
Siguro ayoko ng emosyon
Pambihira, kung iisipin
Hanggang ngayon walang kumpirmasyon
Kung ano ang sigaw ng damdamin
Sana’y maunawan ang aking mga kilos
Kung ikaw man ay naguguluhan
Maiintindihan kung pasensya’y maubos
Dahil alam kong alam mo na takot akong masaktan
Kilala mo na siguro kung sino ako
Sa tagal na ng ating nilakbay
Kaya ang huli kong tanong sa iyo
Kaya mo bang maghintay?
Literary: Litong Tanong x Siguradong Sagot
Litong Tanong
Marami akong gustong sabihin
Pero idinadaan ko sa tawa
Mga salitang ayaw bigyang-pansin
Nangangambang ika’y manawa
Hindi kailan man dumapo sa isip
Sa akin, puso’y ibibigay
Hanggang ngayon ay parang panaginip
Na puno ng di kilalang kulay
Bakit ngayon lang?
Ang una kong tanong
Kung kailan di na ako ilang
Sa iyong pakuwela’t pabulong
Sigurado ka ba
Sa kuwentong gusto mong buuin?
Ako bilang iyong kasama
Sa lahat ng likong tatahakin?
Siguro ayoko ng emosyon
Pambihira, kung iisipin
Hanggang ngayon walang kumpirmasyon
Kung ano ang sigaw ng damdamin
Sana’y maunawan ang aking mga kilos
Kung ikaw man ay naguguluhan
Maiintindihan kung pasensya’y maubos
Dahil alam kong alam mo na takot akong masaktan
Kilala mo na siguro kung sino ako
Sa tagal na ng ating nilakbay
Kaya ang huli kong tanong sa iyo
Kaya mo bang maghintay?
Siguradong Sagot
Marami ka pang hindi sinasabi
Na iyong dinadaan sa mga tawa
Kaya’t ako’y mananatili
Hanggang sa ika’y makasama
Kung ito’y isang panaginip
Na puno ng di kilalang kulay
Aking ipakikilala sa ‘yong isip
Ang ganda na kanilang taglay
Mahirap mang isipin
Na tila di tayo pinagtagpo
Ngunit maaari naman nating tahakin
Ang panibagong liko, ikaw at ako
Hindi ba’t sinabi ko sa ‘yo
Na marahan kong kakatukin
Ang iyong natutulog na puso
At maghihintay na iyong papasukin
Hindi ko naman hinihingi
Na agaran mong pagbibigyan
Kaya ‘wag ka sanang magmadali
Sa pagsigurado ng ‘yong nararamdaman
Hindi ako naguguluhan
Sa ‘yong mga pigil na pagkilos
Dahil aking nauunawaan
Na ayaw mo lang magpadalos-dalos
Sa layo na ng ating nalakbay
Ang sagot ko’y marahil alam mo na
Kahit gaano katagal ako’y maghihintay
Dahil sa puso ko, ika’y nag-iisa
0 comments: