filipino,

Literary (Submission): Ikaw

9/08/2017 09:39:00 PM Media Center 0 Comments

Ikaw ‘yong uri ng tula na ayaw kong simulan
Alam mo kung bakit?
Kasi takot akong ito’y wakasan
Dahil gusto ko, na may tayo pa rin hanggang kinabukasan.

Pero kahit magsulat ako ng masasayang tula
Nag-uunahan pa ring bumagsak ang aking mga luha
Sa pag-asang magkakaroon muli ng bagong simula
Para sa ating dalawa, para sa salitang “tayo” na nawala.

Kasama ng mga pangako mo, naglaho kang parang bula
Iniwan mo akong sa langit ay nakatulala
Umiiyak, nagtatanong, “Ano bang hindi ko naibigay
At pinili mong bitawan ang aking mga kamay?”

Pero ngayon lalagyan ko na ng wakas
Pagkat patay na ang mga rosas.
Patay na ang salitang tayo
Dahil mayroon nang kayo.