filipino,

Literary (Submission): Sa Dulo ng Walang Hanggan

9/30/2019 08:31:00 PM Media Center 0 Comments

“Lagi na lang umuulan, parang walang katapusan”

Bigat ng problema na aking pasan-pasan
Sa ilalim ng madilim na langit at pumapatak na ulan
Hindi ko isusuko ang alay sa minamahal
Sa halip, ang ginhawang nalalapit ang aking ipagdarasal

“Sa ating mga tampuhang walang hanggang katapusan”

Maliliit na away na ‘di mawakasan
Ito pa ba ang tatapos sa lahat ng ating pinagsamahan?
Problema’t lumbay ay ‘di maiiwasan
Sabay nating harapin at magkasamang solusyonan

“Tulad ng ilog na hindi tumitigil sa pag-agos, pag-ibig ‘di matatapos”

Pararaaning parang agos ang lahat ng bagay
Hindi magkikimkim ng kasawian sa buhay
Pagmamahalang wagas ang sa puso’y ilalagay
At ating mararating ang walang hanggang tunay

“Hanggang sa dulo ng ating walang hanggan”

Doon, ikaw ay aking sasamahan
Maglalakbay kung saan dalhin ng kapalaran
Dahil ang pag-ibig ko sayo’y walang katapusan
Hinding-hindi mauubos magpakailanman