filipino,
Denial
Hindi maaari, di ko mawari,
hindi na ba talaga tayo mga bata?
Mukhang imposible, ano bang nangyari?
Hindi ako makapaniwala
Anger
Hindi ko 'to gusto. Ba't nagkaganito?
Nililito niyo ako
Tigilan natin 'to, oras ay ihinto,
o gusto niyo ba ng gulo?
Bargaining
Kung sakali, kung maibabalik,
handa akong mag-alay
Basta’t habang lumalaki,
nariyan pa rin si nanay at tatay
Depression
Sapagkat labis na lumbay
ang naghihintay,
sakaling mawala ang kabataang
natamasa na pansamantala lang pala
Acceptance
Ngunit kung wala talagang magagawa,
kung kabataa'y lumilipas na
Sige, tanggap ko na.
Sarili na lamang ay ihahanda
Literary: Dabda sa Pagkabata
Denial
Hindi maaari, di ko mawari,
hindi na ba talaga tayo mga bata?
Mukhang imposible, ano bang nangyari?
Hindi ako makapaniwala
Hindi ako makakapayag,
ako na ba ay tumatanda?
Hindi puwede, hindi ito maari,
ako ay dapat manatiling bata.
Anger
Hindi ko 'to gusto. Ba't nagkaganito?
Nililito niyo ako
Tigilan natin 'to, oras ay ihinto,
o gusto niyo ba ng gulo?
Nakakapang-init ng dugo
'di mapigilang sumakit ang ulo
Habang tumatanda'y, ako'y mas bigo
at pagkadismaya'y 'di maitago
Kung sakali, kung maibabalik,
handa akong mag-alay
Basta’t habang lumalaki,
nariyan pa rin si nanay at tatay
Ibibigay ang lahat ng mayroon,
titiisin ang bawat sakit
Maibalik lamang sa bata
ang kalayaan, kahit na saglit
Sapagkat labis na lumbay
ang naghihintay,
sakaling mawala ang kabataang
natamasa na pansamantala lang pala
Ang araw na ito
ay hindi inaasahang darating
Mga hiniram na oras,
hindi inaakalang ako’y mahuhumaling
Ngunit kung wala talagang magagawa,
kung kabataa'y lumilipas na
Sige, tanggap ko na.
Sarili na lamang ay ihahanda
At pagdating ng panahon,
sana ako’y maging handa
Lumaban sa mundo
ng matatanda
0 comments: