emanon,

Literary (Submission): Pelikula

10/13/2014 08:24:00 PM Media Center 0 Comments

Sana ang buhay ay tulad ng isang pelikula
Ako ang bida, pwede bang ikaw ang maging sinisinta?
Sisiguraduhin ko na ‘di matatapos ang kwento
Kung di ka magiging masaya pagdating sa dulo.

Magsisimula lamang sa simpleng pagkikita
Ng dalawang taong di naman magkakilala
At habang lumilipas ang bawat segundo
‘Di malayong magtagpo ang ating mga puso.

Mag-away man o magkaroon ng tampuhan
Di na palalawakin, sigurado, lilipas din agad ‘yan
Ano man ang problemang kakaharapin
Lahat 'yon ay kakayanin at lulutasin.

Sa lakas ng loob na aking angkin
Para sa'yo, lahat ay kakayaning gawin
Para maipadama sa'yo ang tunay na ligaya
Hindi ba't ang sarap ng buhay sa isang pelikula?

Ngunit kahit ano pa ang sarap ng buhay pelikula
Magtatapos ito ‘pagkat may pagwawakas
Pwede bang hindi na lang matapos?
Pwede bang maging masaya na lang nang lubos?

Kung di man mapipigil ang pagwawakas ng pelikulang ito
Sana'y maging isang magandang alaala na masarap balikan
At kung nais mong di matapos ang kwentong ito
Ating ipagpatuloy, ang ikaw at ako.