anna punzalan,

Iba’t ibang batches, naloka sa Buwan ng Wika

10/08/2014 08:09:00 PM Media Center 0 Comments

Iba’t ibang baitang sa hayskul nagpabonggahan sa kani-kanilang kompetisyon na ginanap noong ika-10 at ika-12 ng Setyembre 2014 sa bagong-bagong ngunit todo-gibang Auditorium.

Mala-telenovela na chamber theatre ang ipinakita ng nagwaging pangkat sa Grado 7 na 7-Venus. Ang pang-Academy Awards na kalidad ng pag-arte ni Milcah at ang kanyang di malilimutang linyang “ANAAAAK!” ang bumuhat sa kaniyang section.

Nawindang ang lahat sa paglulumpasay ng babaylan ng 9–Silver. Manghang-mangha ang lahat sa walang pakundangang pag-ikot ng ulo ni Hanzvic. Ngunit ibang lakas man ang ginawa nilang pagriritwal, mas malakas parin ang kapit ng 9–Gold.

Nagmistulang mga batang yagit ang 10–Acacia habang itinatanghal ang kanilang Sayawit. Nagmukha silang pinturang tinubuan ng tao habang paulit-ulit na sinasayaw ang chorus ng “Bulong”. Sa kabilang banda, maitatanghal nang “Stunner” si Kristel ng 10–Lauan sa kanyang historikal na paghataw.

Nagpapasalamat naman ang buong UPIS Community na naunang nagtanghal ang Grado 8 ng kanilang Interpretatibong Sayaw. Ayon sa mga eksperto, isang ulit pa ng kantang “Sige Lang” ng Quest ay masisiraan na ng bait ang lahat. / nina Jesica Cañeca at Anna Punzalan