awit,

Literary (Submission): Awit Para Kay E

10/13/2014 08:19:00 PM Media Center 0 Comments

Dear MC…

Sana’y maiparating itong awit ng aking pagsinta.
Pagkat tanging hiling ko’y maiparating sa kanya
Ang nilalaman ng puso nitong binata
Na naghihintay sa tamang panahong mahalin din siya.

Eto ang una kong harana para sa isang dalaga
Lumikha ako ng kanta na tanging para sa kanya
Awit na sana’y babagay sa iyong ganda
Awit na sana’y papantay sa aking nadarama.

Regalong awit na ito’y di nagmula’t umusbong sa isip
Pagkat sa puso nagbukal ang himig ng pag-ibig
Pagkat higit na sumisigaw ang puso kong umiibig
Higit na malinaw ang damdaming para sa iyo’y labis na nananaig

Ikaw ang nag-iisang iniisip
Ang itinitibok ng puso kong muling pumintig
Pinakatatago kong pagmamahal sa iyo’y sasabihin
Pagkat ang mahalin kay bagay na maipagmamalaki.

Kay sarap na maghintay sa panahon
Kung ang isang tulad mo ang darating sa panahong iyon
Kay sarap isiping sa paghihintay kong iyon
Mukha mo ang masisilayan nitong mga mata kong sa’yo lamang ang tuon.

Aking mahal maghihintay ako’t maghahanda
Sa tamang panahong makita ako’t sa buhay ko’y dumating na
Tanging hiling ko lamang sa iyo sinta
hayaan mo na lang muna akong mahalin ka ng nag-iisa.