filipino,

Literary (Submission): Sulat

11/30/2019 08:23:00 PM Media Center 0 Comments

Sulat
Dito nagsimula ang lahat
Sa isang munting sulat
Na naglahad ng damdamin
Na matagal ko nang ninanais na sabihin

Puppy Love
Grado 1, binigay ko sa’yo ang kauna-unahang sulat
Na nagsasabing, gusto kita
Sa gitna ng pasilyo ng k-2
Sinabi mong, “crush din kita”

Pagkahulog
Sa 3 taong magkasama tayo
Di inakalang loob ay muling mahuhulog sa’yo
Matapos ang ilang taon
Baka pwede nating ungkatin ang naramdaman noong kahapon

Tapang
Sa Aninag Online magsisimulang muli
Ilalahad ang matagal ko nang nararamdaman
Lumipas man ang ilang taon
Haharapin ko na ang sa aki’y humahamon

Pagtingin
Aaminin na ba ang matagal nang pinag-iisipan
Ang binubulong ng puso’t isipan
Sasabihin ba ang nararamdaman
Aaminin na ba o ‘wag na lang muna

Payapa
Mga mata mong kumakalma sa alon ng dagat
Pakiramdam ko’y nalulunod pa rin ako
Tuwing tumitingin sa’yong mga mata
Nalunod ako sa payapang karagatan

Lunod
Pero ‘di inakala na habang nalulunod ako
Nakikipag-agawan pala sa akin ang panahon
Mali ang napili nating oras
Sa pagbabalik-tanaw sa nakaraan

Nais sabihin
Walang hinihiling na kapalit
Pag-amin ma’y hindi naging katumbas ng langit
Masaya akong nabunot na ang tinik sa dibdib
Muling makahihinga na nang maluwag