filipino,

Literary (Submission): Room 115

8/31/2019 09:07:00 PM Media Center 0 Comments

Sa pagpasok ng silid,
agad makikita
ang mga nakaayos na silya't lamesa,
malalaking aparador at mga kurtina,
pati naglalakihang pisara
na pag tiningnan ng sama-sama'y
mistulang maliit na opisina

Sa pagdating ng mga bata,
napuno ng ingay at tawa,
ang silid na dating kwarto lamang
Dito, sila'y laging matatagpuang
tumatapos ng mga gawaing
nakaatas sa kanila

Sa bawat
artikulong kanilang pinag-isipan,
proyektong pinaghirapan,
tulang isinulat,
at istoryang binigyang-buhay,
baon nila'y mga alaala
ng pagtawa't pagluha,
ng pagsisimula't pagpapaalam,
ng pagkakamali't pagtatama

Sa kanilang paglisan,
Pasasalamat ang kanilang alay
Sa lahat ng taong
minsan nilang nakasama't nakasalamuha
sa silid na iyon
na kanilang naging tahanan