cj herrero,
Club Orientation para sa Akademikong Taong ‘19-’20
SALI NA. Hinihikayat ni Bb. Michelle Molinyawe, tagapayo ng Future Homemakers Club (FHC) ang mga mag-aaral mula Grado 7-10 upang sumali sa kanilang club. Photo Credits: Roel Ramolete
Ginanap ang taunang Club Orientation ng University of the Philippines Integrated School (UPIS) noong nakaraang Agosto 15, 2019 sa UPIS Auditorium.
Pinangunahan ang aktibidad na ito ng pangulo ng Pamunuan ng Kamag-Aral (PKA) 7-10 na si Danie Cabrera at ng pangalawang pangulo na si Romi Okada.
Taon-taon hinahanda ang programang ito upang mapakilala sa mga mag-aaral ng Grado 7 ang iba’t ibang organisasyon na maaari nilang salihan. Makatutulong rin ito sa pagdedesisyon ng mga estudyante mula sa Grado 8-10.
Iba’t ibang pamamaraan ng oryentasyon ang ginawa ng 12 organisasyon ngayong taon upang hikayatin ang mga estudyante na sumali, tulad na lamang ang kanilang mga video at powerpoint presentation.
Ang mga organisasyon na maaari nilang salihan para sa akademikong taon na ito ay ang Boy Scouts of the Philippines (BSP), Girl Scouts of the Philippines (GSP), Peer Facilitators’ Club, English Club, Kilusang Araling Panlipunan (KAP), Math Club, Sangguniang Pangwika, Forum, Science Society, UPIS Choir, Inter-School Christian Fellowship, at ang UPIS Student Catholic Action (UPISSCA). //ni Cj Herrero
0 comments: