filipino,

Literary: Tahanan

1/22/2021 08:34:00 PM Media Center 0 Comments

Bahay
Lugar kung saan pamilya ang kasama ko
Para sa akin, napakahalaga ng lugar na ito
Dito ko naipakikita kung sino talaga ako

Pamilya
Sila ang laging nariyan upang sa akin ay mag-aruga
Tuwing kasama ko sila, ang bawat oras ay mahalaga
Sa bawat pangarap ko, tuloy ang kanilang pagsuporta

Paaralan
Dito ko natagpuan ang aking mga kaibigan
Dito natuto ako ng maraming bagay na sa bahay ay ‘di ko natutunan
Kahit pansamantala, naramdaman ko rito ang kasiyahan

Kaibigan
Madalas kong kasama, sa kasiyahan man o kalungkutan
Sa mga problema ko, sila ang madalas kong sinasabihan
Mapalad akong mabatid, tunay silang mapagkakatiwalaan

Tahanan
Dito naramdaman ko ang halaga ng isang pamilya at kaibigan
Kahit magkaiba ang papel na sa buhay ko’y kanilang ginampanan
Sila pa rin ang bumuo sa lugar na tinatawag kong tahanan