Anatheia,

Literary: Hanggang sa Muli

1/22/2021 08:38:00 PM Media Center 0 Comments

Aking mga kaibigan dito
Ang ating kwentuhan tuwing hapon
Hinding-hindi itatapon
Aking itatago

Mga laro natin sa kwarto
Paghampas ng mga unan sa katawan
Mga kinagigiliwang asaran
Aking itatago

Mga pagkanta natin sa kwarto
Hanggang sumakit ang ating lalamunan
Kahit hindi na magsalita kinabukasan
Aking itatago

Sa aking mga kaibigan dito
Sa mga taong ating kinawiwilihan
‘Wag sanang pairalin ang karupukan
Ngunit ang nararamdaman ay ‘wag sanang itago

Anim na taon sa bahay na ito
Maraming alaala ang naipon
Ang pag-alala ay hindi kaya ng isang hapon
Hinding-hindi malilimutan hanggang dulo

Sa aming paglipat ng bahay ng pamilya
Bagong alaala ang mabubuhay
Kasama ang mga bagong tao sa aming buhay
Hanggang sa muli aking mga kaibigan