Anatheia,

Literary: Tequila

11/27/2020 08:07:00 PM Media Center 0 Comments

Mga kaibigan kong uminom ng tequila
Para matanggap kung ano ba sila
Ngayon ay sumusuka
Sa tabi ng kalsada

Mga kaibigan kong sumusuka
Sa tabi ng kalsada
Uminom para matanggap
kung ano ang nangyayari sa kanila

Mga kaibigan ko ngayon ay sumusuka
Sana'y inyong maintindihan
Kapag binitawan ninyo ang tequila
Marami kayong pwedeng maipakita

Linangin ang inyong diwa
Ipakita ang sarili sa madla
Wala kayong dapat ikahiya
Huwag nang kumapit sa tequila

Tanggapin ang iyong sarili
Marami ang pwedeng mangyari
Hindi ka nahuhuli
Dahil walang karera ang nagaganap

Alam nating mahal ang tequila
Kaya huwag nang bumili pa
Itabi na lamang ang pera
Makaiipon ka pa

Mga kaibigan kong uminom ng tequila
Tama na ang pagsuka
Parang awa n’yo na