filipino,
Literary: Langit
Tuwing ang araw ay puno ng pait
Ikaw ang unang lalapitan
Kukuwentuhan ng ukol sa kahit ano
Ibabahagi sa ‘yo ang sakit
Kung may bahid naman ng lungkot
Ikaw ang unang iiyakan
Lulunurin sa luha’t pighati
Ngunit lilisan sa oras na tumahan
Kung nag-aapoy na galit ang nadarama
Sisigaw ng masasakit na salita
Babatuhin ka ng mga sumpa at reklamo
Sisisihin sa kamalasang nararanasan ko
Ikaw ang aking tanging tagapagligtas
Sa aking pagtingala, pakiramda'y gumiginhawa
Ang iyong bughaw na yakap
Ang tangi kong hanap
Ngunit sa mga panahon ng tagumpay
Saya, tuwa’t galak
Di kita kilala
Sapagkat ang silbi mo’y tapos na
0 comments: