bluemoon,

Literary: Bahaghari

1/25/2019 08:45:00 PM Media Center 0 Comments

Ang dami kong gustong sabihin sa’yo
Bawat kulay sa bahaghari ay mapagkukumparahan ko
Ikaw ang nagbibigay ng kulay sa aking buhay
Kaya naman sa’yo ako’y patay na patay

Isa kang kulay pula dahil ikaw ang aking iniibig
Ikaw ay ang lagi kong bukambibig
Kapag nakikita ka, ako’y namumula sa kilig
Kaya di ko mapigilang sa ‘yo ay mapatitig

Kahel naman dahil determinado akong piliin ka
Kahit maging sino o ano ka pa
Hindi magbabago ang pagtingin ko sa’yo
Dahil ikaw rin ay kaibigang minamahal ko

Dilaw, ikaw ang nagbibigay ng saya at liwanag sa aking buhay
Binibigyan mong galak ang kahit anong bagay
Ayaw mong nakikita akong malungkot
Kaya naman ang aking puso’y lumalambot

Berde dahil pakiramdam ko ‘pag kasama kita, ligtas ako
Hindi ko kailangan baguhin ang sarili ko para sa’yo
Kilalang-kilala mo ako mula ulo hanggang paa
Kaya hindi kita ipagpapalit kahit kanino pa

Asul ang lungkot tuwing kulang ang panahon sa isa’t isa
Hindi na tayo makahanap ng oras dahil sa dami ng ginagawa
Ngunit naiintindihan kong kailangan nating unahin ang pag-aaral
Ayos lang dahil ikaw naman para sa akin ay espesyal

Indigo, handa akong suportahan ka sa lahat ng bagay
Dahil dito, tayo’y mas magiging matibay
Makikilala pa natin nang mas mabuti ang ating mga sarili
Para hindi mapunta ang ating direksyon sa mali

At huli, lila, marami ang nagtataka kung bakit ikaw
Para sa aking puso ikaw ang sinisigaw
Hindi mo pinaramdam na hanggang magkaibigan lang tayo
Dahil pinapasok mo ako sa iyong puso