News Feature,

Feature: Sa Likod ng mga Eksena: Sa Punong ‘To x Ang Korona

12/19/2018 07:55:00 PM Media Center 0 Comments

Bahagya na lamang ang nakikitang sinag ng araw.

Pasado na sa oras ng ensayo at wala nang maibubuga pa ang mga tao dahil sa maghapong pagkahapo. Paos na ang mga boses at nasaid na ang lahat ng mga luha. Wala pang kadahon-dahon ang mga puno, hamak na tubo pa lamang ang espada, payong lamang ang baril, at simpleng plastik na laruan ang hinirang na korona.

Lilipas ang ilang linggo at uulit ang ganitong eksena. Pero unti-unting magkakadahon ang mga puno, magiging tunay ang espada, baril na ang baril, at may kapangyarihan na ang korona.

Hanggang sa isang araw ay nasaksihan na ito ng madla.

Ang produksyong pinamagatang “Sa Punong ‘To” at “Ang Korona” na ipinalabas noong Disyembre 5 at 6 ay proyekto ng klaseng Filipino Drama (FD), isang interest course sa Grado 12. Naglalayon itong ipakita ang kanilang mga kakayahan at natutunan sa isang semestreng workshop ng pag-arte.

Kaiba sa mga nagdaang taon na nagsadula ang mga klase sa FD ng mga nailathala nang dula ng mga manunulat na Pilipino, ang iskrip ngayong taon ay gawa ng mga mismong mag-aaral ng UPIS. Sumulat ng orihinal na dula para sa FD ang mga mag-aaral sa Grado 10 na nasa Social Sciences and Humanities track bilang proyekto sa kanilang cluster course na Malikhaing Pagsulat (MP).

Isinulat ng grupo nina Yel Brusola, Therese Aragon, Jelena Evangelista, Franz Joves, Miggy Castro, Ronnel Fernando, at Gabby Arevalo, ang “Sa Punong ‘To” ay tumatalakay sa iba’t ibang uri ng pag-ibig sa magkakaibang panahon. Nabuo ang produksyong ito sa direksyon nina Wenona Catubig at Roan Ticman. Pinagbidahan ito nina Samuel Silvestre, Max Salvador, Geraldine Tingco, Fred Samonte, Yanna Reblando, at Yumi Dela Torre.

“Nagulat kami sa materyal na ibinigay sa amin dahil hindi namin inakala na mga Grado 10 ang nagsulat nito. Natuwa kami sa 'premise' ng napunta sa aming kuwento, lalo na ang mga actors. Bagaman may ilan kaming mga binagong linya, para lang naman ito maging mas maikli ang buong produksyon dahil mayroon kaming time limit,” ayon sa direktor ng “Sa Punong ‘To” na si Catubig.

Ang “Ang Korona” naman ay akda ng grupo nina Liane Bachini, Eloisa Dufourt, Kathleen Cortez, Alyssa Avila, Christine Caparas, Rochelle Gandeza, at Kyla Francia. Tungkol ito sa apat na pinuno na nais lamang matulungan ang kani-kanilang sektor sa pamamagitan ng pakikipagdiyalogo sa hari at sa reyna. Ngunit dahil sa mga hindi maaasahang kamahalan, umabot sa punto na sila na mismo ang nag-agawan sa kapangyarihan. Nabuo ang produksyon sa direksyon nina Alexandra Arugay at Francis Eloriaga. Pinagbidahan ito nina JN Fajutagana, Marlyn Go, Josh Santos, Alex Yangco, Craig Aquino, at Cheska Estabillo.

“Natuwa ako sa dula na sinulat ng MP dahil nakita ko ang potensyal nila. Hindi man ito perpekto, ipinakita nila ang kakayahan nilang magsulat ng hindi tula o karaniwang kuwento. At kung ito ang unang dula na naisulat nila, mahusay na ito para sa kanilang edad,” sabi naman ng direktor ng “Ang Korona” na si Arugay.

Nasa humigit-kumulang na isang buwan ng klase sa FD ang paghahanda ng lahat mula sa pagkabisado ng iskrip, pag-ensayo ng mga pagbigkas at paggalaw sa entablado, paggawa ng mga props, pati pag-iisip ng ideya para sa disenyo ng mga tiket at kung paano maibebenta ito.

TAGUMPAY. Masayang nagpakuha ng litrato ang mga estudyante ng Filipino Drama 2019 pagkatapos ng kanilang huling pagtatanghal noong ika-6 ng Disyembre. Photo Credit: Nina Dela Torre

“Napakahirap sa aming lahat, lalo na't pare-pareho kaming baguhan. Halos lahat kami ay unang beses magiging parte ng isang dula. Pero hindi namin ito hinayaang maging hadlang. Sa halip ay nagtulung-tulungan kami at naging suporta para sa isa't isa, naisadiwa namin ang esensya ng ‘teamwork’ kumbaga. May mga araw na wala sa focus ang mga actors, nagkukulang sa materials ang props team, nagloloko ang lights sa Audi[torium] o sadyang pagod lang talaga ang lahat dahil sa ibang mga requirements pero kinaya pa rin naming lahat. Sa tingin ko ay dahil hindi lang namin hinarap ang produksyon na ito bilang requirement sa Filipino Drama kundi isang pagkakataon upang maibuga ang aming mga talento at patunayan na kahit kami ay mga hamak na baguhan ay kakayanin namin,” sabi ni Catubig nang tanungin ukol sa paghahandang ginawa nila para sa produksyon.

Dagdag pa ni Arugay, “Sa tingin ko, napadali ang paghahanda para sa dula dahil sa aking mga ka-batch na masipag at magagaling sa kanilang trabaho. Siyempre, mayroong mga stressful na sandali, ito naman ay naging ‘worth it’ sa dulo. Ako ay proud sa nailabas na mga dula ng FD at MP.”

Tinatayang 87 katao ang dumalo noong unang araw at 129 naman noong huling pagpapalabas. Inaasahang hindi ito ang huling beses na magsasama sa isang produksyon ang mga klase ng Filipino Drama at Malikhaing Pagsulat.//ni Rain Grimaldo

jaja esguerra,

Sports: Junior Fighting Maroons comes face-to-face with Baby Tamaraws

12/19/2018 07:52:00 PM Media Center 0 Comments

The University of the Philippines Integrated School (UPIS) Junior Fighting Maroons faced their 6th loss this season against Far Eastern University (FEU) Baby Tamaraws last December 12, 2018 at the Ateneo Blue Eagle Gym.

It was rough for the Junior Maroons at the start of the game. Their opponent had a tight defense which made the Junior Maroons struggle to score. During the 2nd quarter, with the Baby Tamaraws only 8 points ahead, the Junior Maroons tried to catch up. The shots they had were constantly matched by the Baby Tamaraws which made it even more difficult for them to catch up. The game ended with a score of 72 - 102, in favor of the Baby Tamaraws.

Despite the loss, Ray Allen Torres led the Junior Maroons’ game with a total of 23 points, 9 rebounds and 2 assists, followed by Polo Labao with a total of 17 points, 17 rebounds and 1 assist.

“Siguro masasabi ko lang is hindi namin nama-make [‘yung] shots namin and may mental lapses sa defense,” Torres said. “[We should] stay focused and practice hard this coming Thursday and Friday and be ready to get the win. Definitely we need to work hard and kalimutan na ‘yung 1st round, bago[ng] round na so bagong mindset and change [in] our mentality,” he added.

Their last game for the first round of the University Athletic Association of the Philippines (UAAP) Season 81 was against the University of the East Junior Warriors last Saturday, December 15 at the same venue.

Scores
UPIS 72 - Torres 23, Labao 17, Gomez de Liano 12, Tuazon 11, Estrera 3, Vergeire 3, Galotera 3

FEU 102 - Torres 27, Sajonia 14, Abarrientos 14, J. Bautista 8, Alforque 8, Tolentino 6, Sicat 6, Anunuevo 4, Ona 3, Balaga 3, S. Bautista 3, Armendez 2, Bagunu 2, Bradley 2 //by Pauline Demeterio, Jasmine Esguerra & Nico Javier

keio guzman,

Sports: UPIS TnF Team, nagpakitang-gilas sa UAAP Season 81

12/19/2018 07:47:00 PM Media Center 0 Comments

LUNDAG. Walang mintis na hinakbangan ni Megarth Morillo ang hurdles sa 400m hurdles. Photo Credit: Keio Guzman Muling napakita ng tapang, liksi, at lakas ang University of the Philippines Integrated School (UPIS) sa ginanap na University Athletic Association of the Philippines (UAAP) Season 81 Juniors Track and Field (TnF) competition noong Nobyembre 28 hanggang Disyembre 2 sa Philippine Sports Arena, Pasig. Sa UPIS TnF Boys, sina Lans Lubang, Joshua Sales, at Gian Manalo ang sumabak sa 3000m at 5000m walk, habang sina Rafael Calayan, Christian Ferolino at Martin Bayang naman ang lumaban sa mga decathlon events. Umarangkada naman ang grupo nina Team Captain Reinard Grimaldo kasama sina Aldrich Agad, Louis Roa, at Carlo Atela sa kanilang 100m at 200m event boys. Sina Winter Quiambao, Megarth Morillo, Josh Sabido, at Kevin Beriña naman ang sumalang pagdating sa 800m event boys. Buong puso namang muling sumabak sina Agad at Morillo kasama sina Kobe Cuerdo at Grimaldo sa 400m event boys. Ang tambalang Quiambao at Sabido naman ang nagpasiklab sa 3000m steeplechase boys. At sila’y sinamahan naman nina Calayan at Beriña para sa 1500m event boys individual. Buong tapang namang tumakbo sina Agad, Cuerdo, Morillo, at Quiambao para sa 4x400m relay at hindi rin nagpahuli sa pagpapakita ng lakas si Elkan Alfonso pagdating sa hammer throw at shot put kasama sina Gabriel Aparato at Jason Gozales na lumahok sa discus throw 1.75kg. Sa kabilang banda, sa UPIS TnF Girls, sina Lois Mesano, Ellene Arceo, Sheena Labordo, at Erja Myrell Sicat ang naunang sumalang sa 100m event girls. Sumunod naman ang tambalang Angel Dizon at Chloie Guanzon para sa 200m event girls. At hindi rin nagpahuli si Joanne De Castro sa pagtakbo sa 800m, 1500m, at 3000m run girls. Taas-noo ring sumabak sina Johanna Neri at Zemirah Aragones sa 2000m at 5000m walk girls division at muling sumalang si Guanzon sa shot put at javelin throw events. Sina Dizon at Arceo naman ang naging pambato ng UPIS TnF pagdating sa 100m hurdles. Ang grupo nina Dizon, Arceo, Labordo, at Mesano ang lumahok sa 4x400m relay, 400m event at panghuli, ang 4x100m relay kung saan matagumpay nilang naiuwi ang silver medal. Para naman sa 4x100m mixed relay, matapang na sumalang muli para sa huling pagkakataon sina Ferolino, Calayan, Sicat, at Guanzon. Nakamit ng girls team ang ikaapat na puwesto sa pangkalahatan habang ikaanim naman ang boys. Iisa man ang medalyang naiuwi, magiting na lumaban sa ngalan ng paaralan ang UPIS TnF team sa season na ito. Hindi man naitanghal na panalo sa UAAP, siguradong wagi naman sila sa puso ng UPIS community dahil sa ipinakita nilang tapang at puso sa kanilang bawat laro. //nina Yanna Reblando at Keio Guzman

geraldine tingco,

Sports: UPIS BVT, tapos na sa UAAP Season 81

12/19/2018 07:42:00 PM Media Center 0 Comments

PAMILYA. Abot-tainga ang ngiti ng UPIS BVT kasama ng kanilang mga coach. Photo Credit: Louis Caguiat

	Unang Nailathala noong Disyembre 10, 2018 (Mali)		Pinal na Lathala ngayong Disyembre 19, 2018 (Tama)
	UPIS BVT	Ateneo BVT	UPIS BVT	Ateneo BVT
Set 1	25	24	26	24
Set 2	24	25	23	25
Set 3	25	14	14	25
Set 4	24	25	26	24
Set 5	13	15	13	15

josh santos,

Media Center, nakatanggap ng panibagong equipment

12/19/2018 07:37:00 PM Media Center 0 Comments

DATING MAG-AARAL. Magiliw na nagpakuha ng litrato si G. Ativo kasama ang ilang estudyante, guro, at ang prinsipal ng UPIS. Photo Credit: Marco Sulla

PANAYAM. Magiliw na sinasagot ni G. Ativo ang mga tanong sa kaniya ng staff ng Media Center. Photo Credit: Marco Sulla

“Meet your deadlines. Ngayon wala kayong ligtas kasi may Viber group na kayo [...] Pero noong araw, old school, pagagalitan kami, as in sermon.  Kunwari late sa deadline, ang sasabihin, ‘O, ano na namang rason mo ngayon?’” kuwento niya sa kaniyang karanasan noong siya ay nagsusulat pa lamang sa Aninag. “And in a way, dati bad trip, pero now, when I look back, na-appreciate ko. [...] The fact that they were so upset means that they were very passionate about how we do it. [...] Naniniwala ako sa old school, meet your deadlines. Dala-dala ko ‘yan hanggang ngayon.”

Isang malaking bagay ang pagbabahagi ni G. Ativo ng mga equipment sa MC. Bukod sa mas maraming magagamit ang mga mag-aaral ay mas maganda na rin ang kalidad ng mga materyal na kanilang ilalabas. Dagdag pa rito ay ang kaniyang mga paalala at aral para sa mga kasalukuyang estudyante ng UPIS.

“Ang taas ng tingin ng mga tao sa mga galing sa UPIS [...] kaya pagbutihin ninyo, dahil dala-dala niyo ‘yan [hanggang sa paglaki],” pabaon ni Sir Ativo matapos ang panayam. //nina Wenona Catubig at Josh Santos

news,

Instrumental Music class performs in recital

12/19/2018 07:33:00 PM Media Center 0 Comments

THE GREATEST SHOW. Instrumental Music students beam with their instruments in hand as they pose after their recital. Photo Credit: Max Salvador

This year’s Instrumental Music (IM) class for the first semester held their recital last December 11, Tuesday, at the UPIS Auditorium.

Led by Prof. Shiela Jay Pineda, 29 students performed a few pieces for their class ensemble, as well as their chosen compositions. The students had the option of performing individually, as a group, or with accompanists.

For their chosen pieces, they were allowed to choose one classical and one modern piece to perform. Some played with a viola, ukulele, beatbox, bass guitar and/or keyboard while others opted to sing while playing their instrument.

The class prepared for the recital since the start of the first semester. During the 2nd quarter, the students started to work on their chosen songs while they continued learning a few more pieces for their class performance.

One of the goals of the recital was to showcase the students’ talents and hard work in learning how to play an instrument, particularly the guitar. Also, the recital aims to provide an opportunity for a communal learning experience by making music with and for others, and to increase the appreciation and enjoyment of music.

Despite challenges during the preparation, such as conflicting class schedules and cancellations due to unpredictable weather, Prof. Pineda shared her best experience about the recital. “Seeing the students put their hearts into learning and witnessing them play one piece at a time, especially those who did not know how to play the guitar or read notes when they signed up for this course,” she said.

“Ang pinakaimportanteng natutunan ko ay ang kahalagahan ng practice dahil malaki ang deperensya kapag meron at wala. [Bagaman] nakulangan ako ng oras para magpractice outside IM, ginagawa ko, bago mag-IM ako nagpapractice. Napakasaya ng recital, kahit kinabahan, na-enjoy ko pa rin ang buong experience,” Alex Yangco shared about his experience during class and the recital itself.//by Nicole Desierto & Roan Ticman

geraldine tingco,

UPIS Batch ‘24, nagsagawa ng Temple Tour

12/19/2018 07:28:00 PM Media Center 0 Comments

DAMBANA. Tiningala ng mga estudyante ang mga estatwa sa Seng Guan Temple. Photo Credit: Zaeda Wadi

bea jacinto,

UP JFA holds seminar series

12/10/2018 07:20:00 PM Media Center 0 Comments

The UP Junior Finance Association (UP JFA) conducted the seminar series, “Project Sukli: Change for Change” for Grades 9-11 students of University of the Philippines Integrated School (UPIS) from September 17 to November 29.

YOUNG ENTREPRENEURS. Students pose for a photo after the talk. Photo credit: Robert Ambat

A seminar for students who show passion in the field of business and finances, the aim of Project Sukli is to bring financial literacy to public schools proving that not only the well-educated and rich people get to talk about this topic. The organization also chose UPIS for its demographic because it has students from different social classes.

Having an interactive type of discussion, the seminar had four main topics namely Personal Finance, Entrepreneurship, Economics, and Investing.

In every week of the project, there were speakers from the field of finance who came to share their knowledge about financial literacy such as Benjie Sandoval, Assistant Professor at UP Diliman; Adrian Castro, Teaching Fellow at UP Diliman; and Zachari Fonacier, Director of JFund at UP JFA.

“Yung gusto namin not necessarily na mag-do well in the sense na maraming mag-attend. Yung do well for us is really, at the end of the program, we want them to know more about [financial literacy]. Really, to feel more confident about themselves with regards to finance kasi yun yung big problem na [napansin] namin especially with the kids. Even with educated students [they say], ‘finance yan baka mahirap baka masyadong complicated.’ We want to take that away [dahil] no matter anong gusto mong gawin sa buhay importante pa rin ang finance,” said Joseph Busto, director for Project Sukli.

“[Project Sukli] was really interesting since maraming iba't ibang fields and topics na pinag-usapan. Some sessions really taught me how I can start investing or engaging in the stock market as a student, and how different financial products work,” shared 10th grader Robert Ambat.

At the end of this project, the students who attended the seminar had a culminating activity at the UPIS Ramp Area, which aimed to integrate and use everything they learned from it. “Naapply po namin ang mga natutunan namin mula sa bawat session ng Project Sukli sa project,” said Magan Basilio, a Grade 10 student.

After UPIS, the organization plans to conduct the same seminar series for other public schools.//by Nica Desierto, Nico Javier and Bea Jacinto

alex yangco,

UPIS competes in Robotics Competition

12/10/2018 07:16:00 PM Media Center 0 Comments

Seventh grader Angel Ken Young competed in the Intelligent Machines Contest last October 24-26 at the Tagaytay International Convention Center.

Young participated in four categories in the competition. He was declared as Champion in the Innovative Robot Category and bagged the 2nd Runner-up in the Mission Rescue (Autonomous and Remote Controlled) Junior Division and Search and Rescue (Autonomous and Remote Controlled) Junior Division. He also placed 1st Runner-up in the Battle Ball Z open category.

“The competition was fun and [it] was a great opportunity to bond with others and make new friends especially when something breaks and you need to ask someone else for help,” shared Young.

This is not the first robotics competition Young participated in for he has competed in several others such as the World Robot Games in 2016 and 2017.//by Francis Eloriaga and Alex Yangco

josh santos,

Grade 11 students win 2nd place in Greenviro

12/10/2018 07:11:00 PM Media Center 0 Comments

PRIDE. UPIS representatives proudly pose with their certificates after placing 2nd in the Greenviro Quiz Bee. Photo Credit: Environmental Management Bureau- DENR Central Office

Rizza Mae Cabrera and Simon Valenzuela, both from the Grade 11 Applied Sciences track placed 2nd in the Greenviro Quiz Bee last November 16 at the Environmental Management Bureau - Air Quality Management Training Center (EMB-AQMTC) Conference, Department of Environment and Natural Resources (DENR) Compound, Quezon City.

The competition consisted of two categories: Category A for Senior High School and Category B for College. This is the first time that UPIS joined this quiz bee.

"Sobrang nakakakaba po yung competition pero sobrang nakaka-excite din lalo na dahil iba po yung competition na ito [kumpara] sa iba pang [competition] na nasalihan namin. Personally, sobrang nagustuhan ko po yung topic ng quiz bee dahil tungkol siya sa environment," Cabrera shared on her experience in the competition.

The EMB organized the event to promote awareness on the current state of the country’s natural resources and the scientific processes and technology used by different agencies.

Cabrera and Valenzuela were awarded certificates, a plaque, and cash prize of Php15,000.//by Nica Desierto and Josh Santos

geraldine tingco,

iAcademy holds seminar for 12th graders

12/10/2018 07:06:00 PM Media Center 0 Comments

QUEST. iAcademy representatives in search for the next game changers pose for a picture. Photo Credit: Josh Santos

iAcademy conducted an informational seminar for Grade 12 students of University of the Philippines Integrated School (UPIS) last November 15 at the UPIS AV Room.

They are in search for “rock stars” or exceptional students who have what it takes to become future game changers in the field of business, design, psychology and computing, especially in software engineering.

Ms. Coco Canamo, Admissions Officer, discussed the courses offered at their school and their facilities. She also showed a video featuring their school events.

On the other hand, Mr. AJ Tapia, Senior Manager for Student Affairs, introduced the school’s educational grants, such as the Vanessa L. Tanco (VLT) Scholarship to those who are creative, competitive, and passionate about technology. This scholarship covers the full amount of tuition, miscellaneous, and laboratory fees, with added allowance for books, food, and transportation.
“Our priority for the VLT scholarship program is software engineering but if you think that you are a Rockstar in your field and it is something that you can prove to us, I recommend [that you] send in your [application],” said Tapia.

The test for the VLT Scholarship will be held on January 18, 2019.//by Josh Santos and Geraldine Tingco

alex yangco,

K-2 participates in Field Trip

12/10/2018 07:00:00 PM Media Center 0 Comments

MAGTANIM AY ‘DI BIRO. Grade 2 students actively participate in the rice planting activity during their field trip. Photo credit: Maria Ysrael Blas & Tina Roisin Linsangan

Kindergarten and Grades 1 and 2 students from University of the Philippines Integrated School (UPIS) went on a field trip to various locations last October 17.

The trip consisted of locations varying per grade level. Kindergarten students tried pizza making at Shakey's and also learned new facts and trivias at the Museo Pambata. On the other hand, first graders went to the Gardenia Factory and the Sta. Elena Fun Farm in Laguna, while Grade 2 students visited the Daily Bread Organic Farm in Bulacan.

“Ang field trip namin ay sa Daily Bread Organic Farm. Saktong-sakto siya doon sa topics namin for this quarter which is plants and then doon sa previous quarter which is animals. Natuwa naman yung mga bata, marami sila na-experience, [...] natuwa naman sila kasi bawat isa sa kanila naramdaman yung pagpapakain at nakita nila lahat ‘yong iba’t ibang hayop. [...] Overall, it was a great experience for them,” said Maria Ysrael Blas, a Grade 2 teacher.

Some students also shared their favorite experiences during the trip. “‘Yong pumunta po kami sa Museong Pambata at saka sa Fort Santiago po may nakita kaming mga bibe. [...] Sa Museong Pambata po may natutunan kami na mga kakaiba,” said kindergartener Aninaw Velasco.

“‘Yong nag zipline po kami [...] sa Sta. Elena Farm. May [partner] ako [tapos] nag-zipline kami tapos nahilo po ako pagbaba ng zipline,” explained first grader Queli Tapel.

“Animalandia [...] we fed animals, we looked for worms in the dirt. [My favorite part was] swimming,” exclaimed second grader Ceana Raquel.//by Nica Desierto and Alex Yangco

jasmine esguerra,

Sports: UPIS Junior Maroons, tinambakan ng NU Bullpups

12/09/2018 08:28:00 PM Media Center 0 Comments

LABAN. Matapang na tumira si Labao ng UPIS laban sa mahigpit na depensa ng NU. Photo Credit: Fatima Wadi

Bigo ang University of the Philippines Integrated School (UPIS) Basketball Team kontra sa National University (NU) Bullpups sa University Athletic Association of the Philippines (UAAP) Season 81 na ginanap sa Ateneo de Manila University (ADMU) Blue Eagle Gym, Katipunan Avenue noong Disyembre 2.

Pinangunahan ni Polo Labao ng Maroons ang laro sa naitalang 20 puntos, 4 rebounds, at 4 assists, at sinundan naman ni Jordi Gomez de Liaño na may 13 puntos at 9 rebounds.

Bagamat hindi pinalad, bigay-todo ang Junior Maroons sa kanilang pagharap sa Bullpups. Sa kalagitnaan ng ikalawang kuwarter ng laban, bumanat sila at nakalamang pa ng isang puntos sa pangunguna nina Labao at Jacob Estrera na walang humpay ang pagpapaulan ng mga tres.

Ngunit malakas ang depensa ng Bullpups, dahilan upang magwagi sa Maroons sa pinal na iskor na 104-54.

Ito na ang ikaapat na laro at talo ng Junior Fighting Maroons para sa unang round ng season. Ang mga nauna nilang nakaharap ay ang Adamson University (AdU) Baby Falcons (78-66) noong Nobyembre 11, ang University of Santo Tomas (UST) Tigercubs (75-63) noong Nobyembre 18, at ang De La Salle Zobel (DLSZ) Junior Archers (55-48) noong Nobyembre 25. //nina Pauline Demeterio at Jasmine Esguerra

alex yangco,

Panayam sa panunuring pampanitikan, idinaos

12/09/2018 08:21:00 PM Media Center 0 Comments

Upang mapalalim ang kaalaman sa panunuring pampanitikan, nagsagawa ng panayam sa kilalang manunulat na si Dr. Eli Guieb III ang mga mag-aaral ng Grado 11 sa Silid 111 ng University of the Philippines Integrated School 7-12 Building noong Nobyembre 14.

Inimbitahan ng kanilang mga guro na sina G. Carlo Pineda at Prop. Rowena Naquita si Dr. Guieb para mapagyaman ang kanilang karanasan sa biograpikal na pagtanaw, isang dulog sa panunuring pampanitikan na siyang paksa sa Filipino 11.

Open forum ang pormat ng panayam kung saan malayang nagtanong ang mga mag-aaral tungkol sa buhay ng panauhin bilang awtor at sa kaniyang mga akdang “Kasal” at “Bunso” na kanilang binasa sa klase.

Ayon kay Cedric Creer ng 11- Amado V. Hernandez, “Dahil po sa kaniyang talk, nalaman po namin ang ilang bahagi ng kaniyang buhay na ginamit namin upang suriin ang dalawa sa kaniyang mga akda. Dahil din po dito, nagkaroon po ako ng bagong pananaw kung paano ko titingnan o babasahin ang isang akda.”

Si Dr. Guieb ay nakapagkamit na ng ilang gantimpala sa pagsulat tulad sa prestihiyosong Palanca Awards for Literature. Bukod sa pagiging manunulat, filmmaker din siya at kasalukuyang propesor sa UP Kolehiyo ng Komunikasyong Pangmadla.//nina Marlyn Go at Alex Yangco

geraldine tingco,

Alumni play against UPIS

12/09/2018 08:16:00 PM Media Center 0 Comments

The first-ever basketball and volleyball exhibition game of University of the Philippines Integrated School (UPIS) faculty, staff, and students against some alumni of the school was held last November 14 and 16.

This was part of the Health and PE Days 2018: Health, Fitness, and Wellness Fair. According to Prof. Grace Sumayo, the matches were organized to promote friendship and to show that it is good to come back to their alma mater because it will always be their family.

“Importante siya kasi nabi-build 'yung camaraderie sa pagitan ng teachers, sa lahat ng stakeholder ng UPIS: alumni, faculty, staff, students,” addded Mrs. Marvie Manalo, a faculty and alumna of UPIS.

REMINISCENCE. UPIS Basketball team alumni smile with Prof. Paul Mabaquiao. Photo Credit: Geraldine Tingco

The UPIS alumni dominated the basketball match as they finished with a score of 93-57. In the span of 4 quarters, UPIS constituents took turns in playing with their opponents.

ALTOGETHER. UPIS alumni, students, and faculty gather for a group picture after the event. Photo Credit: Geraldine Tingco

On the other hand, an intense volleyball game was witnessed. On the first 2 sets, the alumni led the game with 25-21 and 25-20. But during the third and fourth set, the UPIS community bounced back as they scored 16-25 and 21-25. However, the alumni made sure to reclaim the win in the fifth set, with 25-15.

“'Yung pagbalik-balik ng alumni kailangan iyon ng lahat ng schools, especially sa sports program […] Tapos, another thing, siyempre support din sa mga current athletes natin. Refreshing na makakita ng people going back tapos 'ayun nakikihalubilo pa rin sa players,” shared Vincent Rafael Dario of UPIS Batch 2004.

“Alam naman natin [ang] situation natin pero actually, compared sa time namin before, suwerte na sila ngayon kaya, kahit ano man dumating sa kanila, always be grateful sa support na nabibigay sa kanila, be grateful sa coaches, be grateful sa teammates, be grateful sa opportunity na makalaro,” Dario advised to his juniors.

“Parang bumabalik ka 10 years ago, ang saya, may drummers, parang high school ulit,” said Dana Daguman of UPIS Batch 2012. “Sa mga juniors namin, tuloy niyo lang ‘yan. Ang gagaling niyo! Kapag naging alumni kayo, huwag kayong kakalimot,” she added as a message to the juniors.

“Sa Juniors, good luck. Sana mag final four sila. 'Yung hindi namin nakuhang final four sana sila makakuha no'n,” said Benz Nacpil of UPIS Batch 2014.//by Nicole Desierto and Geraldine Tingco

MC2021,

Buhayin ang mga pahina

12/06/2018 08:00:00 PM Media Center 0 Comments

Pumunta rito para mag-order ng sariling kopya: https://tinyurl.com/2021Haraya

MC2021,

Huntahan

12/03/2018 08:00:00 PM Media Center 0 Comments

Pumunta rito para mag-order ng sariling kopya: https://tinyurl.com/2021Haraya

MC2021,

Kilalanin kami

11/30/2018 08:00:00 PM Media Center 0 Comments

Pumunta rito para makakuha ng sarili niyong kopya: https://tinyurl.com/2021Haraya

chocobutternut,

Literary (Submission): The Woman

11/24/2018 09:32:00 PM Media Center 0 Comments

barbara,

Literary (Submission): MC201994

11/24/2018 09:28:00 PM Media Center 0 Comments

Isa akong bente pesos. Ipinanganak ako noong 2010. May pirma ako ng presidente noong panahong iyon, pero hindi ko na mabasa ang pangalan niya ngayon. Lukot-lukot na kasi ako at may ilang sulat pa sa aking mukha.

Noong ako’y unang inilabas, kasama ko pa ang aking mga kapatid. Mula kina MC201974 hanggang sa akin, si MC201994.

Ang una kong alaala ay nang may narinig akong sumigaw ng, “Ninong Emman! Mano po!” at inilabas ako mula sa pitaka.

“Bentong! Ang laki mo na, ah. O, ito, pamasko ko sa ’yo.” Ibinigay ako ni Ninong Emman kay Bentong.

Tuwang-tuwa si Bentong nang matanggap niya ako. Isa kasi akong panibagong disenyo kaya napakaganda ng ngiti niya. Hindi ko na nga kamukha ang aking mga lolo’t lola, ibang-iba na ako sa kanila.

Maingat akong itinupi ni Bentong at itinago sa kaniyang bagong Spiderman wallet. Bagama’t mag-isa lang ako roon, masaya ako dahil napasaya ko si Bentong.

“O, binigyan ka ni Ninong Emman mo ng aginaldo. Baon mo na ‘yan sa pasukan, ha,” narinig ko mula sa loob ng wallet habang isinasara ito ni Bentong.

“Ha? Hindi mo na ‘ko bibigyan?” malungkot niyang sinabi. Tumawa lang si Ninong Bentong. At isinara na niya ang wallet.

Natatandaan ko pa noon nang ipagmalaki ako ni Bentong sa kaniyang mga kamag-aral. Napakalutong ko pa noon at bago ang mukha. Manghang-mangha ang mga bata sa akin at habang ako ay iwinawagayway ni Bentong, bigla akong napangiti. Ito pala ang ibig sabihin ng may napapasaya kang iba.

Nagkawalay kami ni Bentong noong bigla siyang magutom. “Ano ba ‘yan. Magagastos ko na ang bente ko,” sabi niya. Ipinambili niya ako ng isang pakete ng biskuwit, isang bote ng softdrinks, at ang sukli ay mamisong tsitsirya. Kahit na nagkawalay kami, naiwan ko namang masaya si Bentong.

Nakaalis lang ako uli sa tindahan ni Aling Vicky noong ipansukli niya ako sa isang babae. Ilang linggo rin kasi ako sa loob ng kaniyang kaha de plastik, binibilang niya araw-araw, kasama ng mga iba pang bente. “Hay nako, ‘Day. Nagpabarya ka lang ‘ata, e. Shampoo lang pala ang bibilhin mo, isandaan ang pera mo,” sabi niya sa bumibili.

“Pasensya na, Aling Vicky. Pamasahe ko rin kasi ‘to papasok,” sagot ng babae. At di kalaunan ay pinagpasa-pasahan ako sa loob ng dyip. Naiwan naman ako sa kahong lalagyan sa harap ng drayber.

Sa loob ng ilang taon, papalit-palit ako ng sisidlan, palipat-lipat ng may-ari. Naranasan kong masulatan ng cell phone number noong magpa-load si Kuya Junjun. Ginawa akong eroplano ni Markus. Ipinambili ako ng ulam ni Linda. Ipinangyosi ako ni Jhenna. Hindi na ako naalis sa mausok, maingay, at magulong bayan. Hindi ko alam kung ano ang pangalan ng lugar pero alam ko, nakasulat iyon sa akin. Hindi ko naman binasa dati, iba kasi ang iniintindi ko. Ngayon, hindi ko na maaninag ang nakasulat.

Isang araw, may nakasama ako sa isang itim na pitaka. Si LH719199. Kulay asul siya. Malutong at walang bahid ng tupi.

“Magandang araw po,” sabi ko. Mukha kasi siyang galanteng pera.

“Magandang araw din,” tugon niya. Palakaibigan naman pala.

Ilang araw din ang inilagi namin sa pitakang iyon. Kinuwentuhan niya ako ng kaniyang naging buhay. Kalakhan pala nito ay nasa isa siyang metal na lalagyan. Hindi katulad ng kaha de yerong puro kalawang ni Aling Bebs sa karinderya. Malaki ang kaniya, kasama ang kaniyang mga kapwa asul. Isang libo pala ang tawag sa kanila. Itinanong ko kung kilala niya sina Junjun, Linda, o Jhenna. Sabi niya, hindi. Pero nakilala na niya si Mr. Harry, si Ms. Margaux, at si His Excellency. Hindi ko kilala ang mga ‘yun. Hindi na lang ako nagsalita kasi parang nakakahiya.

Pagkaraan ng ilang araw ay inilabas na siya. “Nurse, ito lang po ang kaya naming i-down payment para ay Anna, ‘yung may dengue sa ER,” sabi ng naglabas sa kaniya. Naaninag kong may hawak ding ibang pera si Ate Lita, ang may-ari ng pitaka, pero siya lang ang asul. Isinara na niya ang pitaka bago pa ako makarinig ng kahit ano.

Sa pagdaan ng panahon, parami nang parami ang aking nakakasama, lalo na kapag ako ay inaabot sa iba. Medyo masaya at marami akong kausap at nakakasalamuha. Pero nakalulungkot lang na hindi ko na ulit nakita si LH719199. Sana ay okey lang siya.

Ngayon, ako ay nasa dyip ulit. Nasa loob ng kahang kahoy. Iniabot na ako ni Manong Drayber sa nagbayad ng singkuwenta.

“Delia, kumusta na nga pala ang anak mo?” tanong ng nag-abot sa akin.

“Ah, si Bentong? Ayos naman. ‘Ayun, awa ng Diyos, huling taon na niya ng hayskul,” sagot ng pinag-abutan. Isinaksak niya ako sa kaniyang coin purse at saka ito isinara.
Si Bentong! Pakolehiyo na! Nako, ang bilis nga naman ng panahon.

Sabik na sabik ako na muling makatagpo si Bentong. Ang tagal na nu’ng huli kaming magkita. Sana naaalala pa niya ako kahit may ilan nang punit ang aking gilid.

Hindi ako mapakali sa loob ng pitaka. Nakakadismaya lang na wala akong marinig mula sa loob. Pero hindi nagtagal ay inilabas ako muli ni Aling Delia. Sinabi niya, “Ito na lang ang pera ako. Pasensya na, anak.” Inabot na niya ako kay Bentong! Sana matuwa siya ulit!

“Bente? Ma naman, ano’ng mabibili ko dito?” dismayadong sagot niya. “Alam n’yo namang nagtaas na ulit ‘yung pamasahe sa dyip, e. Baka nga hindi pa ako makauwi sa lagay na ‘to. At saka ubos na rin ang pera ko pangkain. Nagtaas na naman kasi sa canteen.”

“Pasensya na, anak. Kulang na rin kasi ang pambayad natin sa kuryente, e. Kaya tipid-tipid tayo.” Napabuntonghininga si Bentong. Hindi yata siya masayang makita ako. Hindi na yata ako sapat.

Tiningnan ni Bentong ang kaniyang nanay. Binusisi ni Aling Delia ang kaniyang pitaka, wari’y nagbabakasakaling may maidadagdag sa kaniyang ibinigay. “Anak, may katorse pa dito sa pitaka ko, kunin mo na,” sabi niya sabay abot ng barya.

Pinigilan ni Bentong ang kamay ng kaniyang nanay. “’Wag na, Ma. Gagawan ko na lang po ng paraan.”

Pumasok siya sa kaniyang kuwarto at naupo sa kama. Tinitigan niya ako. Hindi ko mailarawan ang kaniyang mukha. Para siyang maiiyak, parang sisigaw. Bagama’t hindi niya ako nilukot, para siyang galit. May hinugot siya mula sa ilalim ng kaniyang kama, isang lata. Itinupi niya ako nang tatlong beses at saka isinilid dito. Naramdaman kong itinulak niya ito pabalik. Dahil may awang pa rin ang ibabaw ng lata, narinig ko ang kaniyang sinabi: “Kahit wala munang kain.”

Nagtaka ako. Ayaw na niyang kumain? Di ba paborito niya ‘yung biskuwit? At saka softdrinks? At saka mamisong tsitsirya?

“Aba, iba ang sinabi niya ngayon, ah,” wika ng aking katabing kapwa bente. Nakatupi rin siya at malumanay ang kaniyang boses.

“Bakit, ano ba ang palagi niyang sinasabi?” tanong ko. Nais ko rin kasing malaman kung bakit tila dismayado siyang makita ako.

“‘Magka-college ako,’” sabay-sabay na sabi ng mga bente na nakasalansan sa loob ng lata.

english,

Literary (Submission): twh.

11/24/2018 09:21:00 PM Media Center 0 Comments

Droplets hit the glass window.
The living room basked in the dim late afternoon light.

At the time,
The man then put down his Earl Grey
And read his life

He went from one line to another
Lines that will become his bread and butter

Then he stood up, paced back and forth and talked alone
Glanced at the paper, gestured in the air
The man must become another
To live another day.

The chilly air frosts the window panes.
The streetlights illuminate the living room.

The time has come,
The man now puts down his Jack
And reads his life

He went from one line to another
Lines that are his bread and butter
And bring love notes to his door
Drag him across the red carpet
Follow him at home
Stalk him in the shops
Scream at him on the street

Then he stands up, paces back and forth and stutters
Glances at the papers, the desperate notes on his desk
The photographs, the autographs
The man has become so many, got so many
He has forgotten his reasons

Sunlight will seep through the window awning.
Warm and cozy air will fill the living room.

The time will come
When the man will put down his Earl Grey
And will read his life

He will go from one line to another
To bring another man to life

He will stand up, pace back and forth, and speak
He will gesture in the air as if the other man was real
He will serve as a bridge
Between the other man and the rest who will watch him
He will tell of his story

Show the world what is real
In the face of imagination

Before the window turns mossy,
And the living room is covered in dust,

May the man find himself fulfilled
In the face of the other men he became
Or in the art that he has become.

filipino,

Literary (Submission): Okay Lang

11/24/2018 09:14:00 PM Media Center 0 Comments

"’Uy! Kita tayo mamayang uwian, ha? May kuwento ako sa 'yo," sigaw mo habang tumatakbo na papunta sa klase, suot-suot ang ngiting abot-tainga.

Hay. May kuwento ka na naman. Hindi na ako magugulat kung tungkol na naman 'yan sa simpleng chat niya sa 'yo kagabi pero kilig na kilig ka pa rin. Palagi namang ganoon, wala nang pinagbago.

Magkukuwento ka ng tungkol sa kaniya habang nakikinig lang ako. Nakangiti mo pang inilalahad ang lahat ng pinag-usapan ninyo tapos magkukunwari naman akong masayang nakikinig. Tapos ikukuwento mo ulit na sobrang saya mo kasi matapos ang matagal na pagiging torpe mo, nakakausap mo na siya ngayon.

Hindi pa natatapos ang istorya mo roon. Inisa-isa mo pa kung paano mo siya liligawan. Samantalang ako naman, nagbibigay pa ako ng suggestions kung paano ka manliligaw. Papalakasin ko pa ang loob mo at susuportahan ka sa lahat ng mga gagawin mo. Kahit sa loob ko, durog na durog na ako sa mga ginagawa ko.

Pagkatapos mo, ako naman ang pipilitin mong magkuwento. Itatanong mo pa kung sino ang gusto ko. Wow. Hindi ko alam kung matatawa ako o ano. Pero, alam mo 'yon? Hindi ko rin alam kung insensitive ka ba o sadyang manhid ka lang talaga. O baka magaling lang talaga ako magtago ng nararamdaman. Ilang beses ko na yatang pinaparamdam sa 'yo na gusto kita pero tingin mo lang talaga sa lahat ng ginagawa ko para sa 'yo ay bilang kaibigan lang. Kapatid. Best friend. Gano’n lang. At hanggang doon na lang yata 'yon.

Okey lang. Masaya ako para sa 'yo.

Masaya ako para sa 'yo kasi masaya ka. Kahit na hindi ako ang dahilan.

Masaya pa rin naman ako kasi na-appreciate mo lahat ng effort ko bilang kaibigan mo at bilang tao. Hinding-hindi mo ako nakakalimutang pasalamatan.

Masaya pa rin naman ako kasi pinagkakatiwalaan mo ako—sa lahat ng bagay. Wala kang itinago na kahit ano sa akin. Kumbaga, lahat ay kinukuwento mo.

Masaya pa rin naman ako kasi palagi ka ring nandyan para sa akin.

Iyon naman ang layunin ng magkaibigan, di ba? Kaya kahit masakit, masaya pa rin ako kasi magkaibigan tayo.

english,

Literary (Submission): The Dress

11/24/2018 09:11:00 PM Media Center 0 Comments

I made a dress woven from music
Embroidered with scales
Glittered with song
Every fold told history
Mythology in every crease
Epics in every stitch

I made a dress woven from music
And everyone came to hear it sing
Hear the story, listen to the voices
Played with every twirl, every strut

I made a dress woven from music
And so did all who heard it play
Soon all of the universe was singing in chorus
And remains inspired to this day