josh santos,
Media Center, nakatanggap ng panibagong equipment
 |
DATING MAG-AARAL. Magiliw na nagpakuha ng
litrato si G. Ativo kasama ang ilang estudyante, guro, at ang prinsipal
ng UPIS. Photo Credit: Marco Sulla
|
Nagbabago na ang mukha ng midya. Kung noon ay
umaasa ang mga tao sa nakalimbag na mga balita sa papel, ngayon ay bubuksan na
lamang nila ang kani-kanilang mga laptop o cell phone at sa
isang haplos at pindot na lamang ng daliri ay makakakalap na sila ng impormasyon.
Ang Media Center (MC), tinatawag
noon na Audio-Visual, Print
and Broadcast Work Program ng University of the Philippines Integrated School
(UPIS), ay dati pa man ding naglilimbag ng mga balita ng paaralan sa kanilang
pahayagan na Ang Aninag. Bilang isang
school paper, mayroon itong tungkulin na ipaalam sa mga estudyante ang mga
kaganapan sa loob at labas ng kanilang mga pader.
Sa pagbabago ng panahon ay nagbago na rin ang
MC. Dati ay naglalathala ito ng diyaryo, magasin, at wall
news, pero noong 2011 ay naging online na ang paglalabas ng mga artikulo at
akda sa Ang Aninag Online (AAO). Mayroon na ring social media accounts ang MC (Facebook,
Twitter, YouTube) na nagpapaalam
naman sa mga tagasubaybay ng mga lumalabas na materyal sa AAO.
Kasama ng pagbabagong ito ay kinakailangan din ng MC ng mga
napapanahong kagamitan.
Kaya’t
isang biyaya na naghandog si Ginoong Nonoy Ativo ng UPIS Batch ’86 sa UPIS MC ng
camera kalakip
ang iba’t ibang paraphernalia sa photography gaya ng high definition lenses at
samu’t saring photography books noong Disyembre 18.
Ito ang kaniyang ikalawang pagbalik sa UPIS upang magbigay ng
minsan na niyang nagamit na mga libro sa kaniyang propesyon bilang isang
photographer.
“…[O]ur students may be able to use it more [...] I think you guys
need to be exposed to these things,” pahayag niya nang tanungin sa kaniyang
layunin sa pamamahagi. Bukod pa roon, nais niya ring ipahayag na iba pa rin ang
pagkatuto sa pagbabasa ng libro. “Nagamit ko talaga sila although may internet
na noon, [at saka] sa libro kasi may samples ka na.”
Inaasahan niya na magpakadalubhasa ang lahat
ng estudyante sa iba’t ibang anyo ng midya, mapainternet man o tradisyonal na mga libro. “My expectations from you guys is to really
immerse yourself in all the media that you are encountering, especially social
media. Understand the issues involved. Kasi when you get to college and you
start working, you will realize that communication […] is the backbone of a lot
of industries.” Dagdag pa niya, “How you communicate, what you communicate, how
you stand on issues, your sensitivities, all these things come into play. So
siguro magandang [i-practice] niyo na ‘yan habang nandito kayo [sa UPIS]. Itaas
ninyo ‘yung quality, ‘yung bar, para maging world class ‘yung outputs [ninyo].
”
 |
PANAYAM. Magiliw na sinasagot ni G. Ativo ang mga tanong sa kaniya
ng staff ng Media Center. Photo Credit: Marco Sulla
|
Dating miyembro ng Media Center si G. Ativo na noo’y tinatawag pa nilang AV Print.
“I used to submit articles, so hanap kami ng news sa campus, but […] my biggest
project back then was the Sulyap ‘86,” kaniyang pahayag. Nagsusulat siya noon
para sa Aninag, na dati ay wall news.
Bukod sa mga gamit, nagbahagi rin si G. Ativo ng ilang aral na
natutunan niya sa pagiging mag-aaral at miyembro ng school paper staff na
nadala niya hanggang sa pagtanda. Ilan dito ang pagpapasa sa takdang oras,
pagiging dalubhasa kapwa sa wikang Filipino at Ingles, at ang
pagiging organisado.
“Meet your deadlines. Ngayon wala kayong
ligtas kasi may Viber group na kayo [...] Pero noong araw, old school,
pagagalitan kami, as in sermon. Kunwari
late sa deadline, ang sasabihin, ‘O, ano na namang rason mo ngayon?’” kuwento
niya sa kaniyang karanasan noong siya ay nagsusulat pa lamang sa Aninag. “And in a way, dati bad trip,
pero now, when I look back, na-appreciate ko. [...] The fact that they were so
upset means that they were very passionate about how we do it. [...] Naniniwala
ako sa old school, meet your deadlines. Dala-dala ko ‘yan hanggang ngayon.”
Isang malaking bagay ang pagbabahagi ni G.
Ativo ng mga equipment sa MC. Bukod sa mas maraming magagamit ang mga mag-aaral
ay mas maganda na rin ang kalidad ng mga materyal na kanilang ilalabas. Dagdag
pa rito ay ang kaniyang mga paalala at aral para sa mga kasalukuyang estudyante
ng UPIS.
“Ang taas ng tingin ng mga tao sa mga galing
sa UPIS [...] kaya pagbutihin ninyo, dahil dala-dala niyo ‘yan [hanggang sa
paglaki],” pabaon ni Sir Ativo matapos ang panayam. //nina Wenona Catubig at Josh Santos
0 comments: