DiMaAninag,
Literary: Liham Para kay Flappy Bird
Minamahal na Flappy
Bird,
Kamusta
ka na? Nang-iirita ka pa rin ba ng mga taong walang magawa sa buhay? Baka naman
nakalimutan mo na ang tunay mong pagkatao? Puwes, nais kong ipaalala sa iyo na
ikaw ay isang bibeng nagpapanggap na ibong “lumilipad” sa pagitan ng mga
berdeng tubo na nilalabasan ni Mario.
Pero
nais kong malaman kung ano ba ang tunay na kwento mo. Yung totoo, wala ka bang
magulang na nagturo sa iyo nung bata ka pa lamang kung paano lumipad? Meron ka
bang masamang karanasan na naging sanhi ng pagiging sensitibo mo kaya’t
kaunting dikit lamang sa mga tubo ay nahuhulog ka na agad? At ano nga ba ang
ginagawa mo diyan sa mga tubong iyan? Hinahanap mo ba ang mga baboy na kumuha
sa itlog mo o hinahabol ka ni Silvestre? At please, magbawas-bawas ka naman ng
timbang para mas lumaki naman ang mga pakpak mo para makalipad ka nang matino.
Nais
ko lamang din na malaman kung ano ang meron sa mga misteryosong tubo na
iniiwasan mo. Ano ba ang silbi ng mga tubong iyan? Ano bang dumadaan diyan na
napakaimportanteng hindi mo maaaring tamaan? At bakit ba hindi iyan
magkakonektado? Eh di sana kung hindi rin pagdudugtungin ay nilakihan na lang
ang mga pagitan nito.
Ngunit
sa kabila ng lahat ng mga bagay na ‘di ko maintindihan, nagpapasalamat ako
dahil tinulungan mo akong magkaroon ng pasensya at ma-handle ang aking stress.
P.S.
Regaluhan mo naman ako ng bagong Iphone. Naihagis ko eh, kasi nung tumama ka sa
tubo, nasa 14 na puntos na ako. / ni Katrina Cayron at Vinz Villanueva
0 comments: