filipino,
Literary (Submission): Pag-asa
Ano nga bang pinagkaiba
Kung sakaling ikaw at
Hindi siya?
Mas matamis ba ang bawat
Pagsambit ng pag-ibig
Kung aking maririnig sa
Iyong tinig?
Mas ramdam ba ang bawat
Yakap na matatanggap
Kapag ang mga braso mo
Ang aking pinangarap?
Mas mabilis ba ang magiging
Pagtibok ng puso
Kung sakaling hindi sa kanya,
Kundi para sa’yo?
Mas maliliwanagan ba ang
Aking isipan
Kapag ikaw ang naging
Tanging laman?
Anong kasiguraduhan ko
Na hindi mo lang ako niloloko?
Anong mapanghahawakan ko
na magpapatotoo sa mga
sinasabi mo?
Matatapatan mo ba
Ang pag-ibig niya?
Marahil posible ang lahat ng iyon
Kung ikaw ang pipiliing makapiling ngayon
Ngunit ano pa nga ba ang aking magagawa
Kung ang puso’t isipan ko’y pagmamay-ari na ng iba.
0 comments: