Feature: 14 na Tambayan: Multipurpose Hall

Multipurpose Hall

Sa ating paglisan,
Ating balikan
Ang labing-apat na tambayan
Sa ating minamahal na paaralan

****

Isang lugar ng tanghalan, kainan, at maging ng daldalan. Isang tambayang hindi pinagsasawaan at hindi kailanman malilimutan. Ang Multipurpose Hall ay ang isa sa pinakadinarayong lugar sa UPIS, mapa-estudyante, guro, ipis, daga, alikabok, agiw, at iba pa.

Pinangalanan itong Multipurpose Hall dahil nga ito ay mayroong maraming gamit. Kung hindi ninyo nalalaman, ito ang dating canteen ng UPIS. Halos lahat ng mga pagtatanghal ng mga estudyante ay dito ipinepresenta. Dito rin ginaganap ang Junior-Senior Promenade ng hayskul.

Kilala rin ang Multi bilang isa sa mga lugar ng kababalaghan dito sa UPIS. May mga nakikita na hindi naman dapat nakikita, mga nararamdamang hindi naman dapat nararamdaman... na hanggang ngayon ay nananatili pa ring isang misteryo.


Kaya naman masasabi naming isa ito sa mga lugar na lubos naming mamimiss, sapagkat ito ang saksi sa lahat ng tawanan, iyakan, sayawan, kantahan at kung anu-ano pa. Siguro’y nalalapit na ang aming pamamaalam sa lugar na aming kinagisnan, ngunit sa bawat pag-alis ay may panibagong darating. Ang Multi man ay amin nang iiwan, ang mga alaala naman ay aming dadalhin at ipagpapatuloy sa aming bagong tahanan. Paalam Multi.

Feature: 14 na Tambayan: Canteen


Canteen

Sa ating paglisan,
Ating balikan
Ang labing-apat na tambayan
Sa ating minamahal na paaralan

****
Nagugutom ka ba? Nauuhaw? Iilan lang ang puntahan ng mga estudyante ng UPIS para diyan…ang Canteen. Maraming pagkain, inumin at kung anu-ano pang panlaman- tiyan ang mahahanap dito. Pero, alam niyo ba kung ano ang Canteen noon?

Noong araw, ang Canteen ay isa lamang open field kung saan idinaraos ang mga work program. Ito ay tinaguriang Practicum Venue noon.

Pero nang dumating ang late 70's, ang Canteen ay kinuha ng PA Department at naging under ng Food Service University. Nalipat lamang ang Canteen sa UPIS nang ito’y mag-privatize. Pero kumpara noon, mas mura, masarap, maayos at dekalidad ang mga pagkain sa Canteen noon. Ayon nga kay Ma'am Flor: "Mga bata lang naman ang nagpapangalan sa mga lugar natin dito sa UPIS eh."


Nakalulungkot lang isipin na ang canteen ay mawawala na at magiging mall na. Ngunit mapapalitan naman ito ng mas malaki, presko at sana, mas murang paninda sa ating bagong eskwelahan. Mawawala na nga ang Canteen, ngunit ang mga alaala na nagawa natin dito ay mananatiling buhay at masarap balik-balikan.

Punto de Vista (Chapter 5)

Ang Punto de Vista ay kuwentong binuo, sinulat at pinaghirapan ng Media Center 1 2014 staff bilang kanilang creative writing project ngayong semestre.

Ang mga tauhan at mga pangyayari ay pawang kathang isip lamang, hindi hango sa tunay na buhay o karanasan. Ang anumang pagkakahawig sa tunay na buhay ay nagkataon lamang at hindi sinasadya. Walang bahagi ng kuwentong ito ang maaring ilathala at gamitin sa anumang paraan nang walang pahintulot ng may-akda.

Punto de Vista (Chapter 4)

Ang Punto de Vista ay kuwentong binuo, sinulat at pinaghirapan ng Media Center 1 2014 staff bilang kanilang creative writing project ngayong semestre.

Ang mga tauhan at mga pangyayari ay pawang kathang isip lamang, hindi hango sa tunay na buhay o karanasan. Ang anumang pagkakahawig sa tunay na buhay ay nagkataon lamang at hindi sinasadya. Walang bahagi ng kuwentong ito ang maaring ilathala at gamitin sa anumang paraan nang walang pahintulot ng may-akda.



Feature: 14 na Tambayan: Boston Garden

Boston Garden
(c) Aliyah Rojo
Sa ating paglisan,
Ating balikan
Ang labing-apat na tambayan
Sa ating minamahal na paaralan
 ***

Ang Boston Garden ay malamang, hindi niyo na makikita ngayon. Natabunan na kasi ito ng adobe para gawing parking lot ng UP Town Center. Pero dati, marami kang makikitang mga masasayang mukha doon tuwing tititigan mo ang Boston Garden.

Hango ang pangalan ng Boston Garden sa isang sikat na stadium ginagamit ng Boston Celtics (isang koponan sa NBA). Hindi ito isang lehitimong hardin, o open field, pero naging sikat pa rin ito kaya ito tumatak sa isipan ng mga tao, kaya ito ang naisipang gamitin ng mga dating Isko upang ipangalan sa open field ng eskwelahan.

Dito rin sumikat ang isang mag-aaral ng UPIS, at kinilala siya sa katawagang: “Hari ng Boston.” Siya ay si Kuya Karl Villaluna. Paano siya naging Hari ng Boston? Masasabi lang naman na kabisadong-kabisado niya ang mga dimensyon ng natatanging basketball court ng UPIS na matatagpuan dito. Walang nakatatalo sa galing niya. Walang-mintis ang mga tira niya sa bola, kahit pa hindi niya ito tignan.

Dito sa field na ito idinaraos ang mga klase sa PE, maging ang Intrams ng paaralan. Tuwing dismissal, makikitang may mga naglalaro ng Frisbee at Soccer, kung minsan pa nga’y may nagva-volleyball pa. Dito rin kadalasang nananaghalian ang mga estudyante, siguro dahil presko at maaliwalas. Kadalasa’y, dito rin tumatambay ang mga nanay, lola at bantay nila dahil off limits sa mga hindi estudyante ang ilan sa mga corridor ng paaralan.


Naging saksi ang Boston Garden sa paglipas ng panahon sa paaralan. Marami na ring alaalang iniwan ang lugar na ito. Hinding-hindi ito malilimutan, maging parking lot man ito ng isang mall.
Subscribe to: Posts (Atom)