Rampang Pinoy muling inilunsad

Joakim Cadapan at Jomil Gutierrez

Idinaos ang Rampang Pinoy sa Multi-Purpose Hall noong Huwebes, Setyembre 1. Nilahukan ito ng mga lakan at lakambini ng bawat seksyon sa bawat grado.

Samu’t saring kasuotan ang ipinakita ng mga kinatawan ng bawat seksyon na sumasalamin sa temang Wika at Kasaysayang Pilipino, Landas sa Pagsulong ng Karapatang Pantao.

Ang mga nagwagi sa nabanggit na paligasahan ay sina Jessica Cañeta at Jean Paul Mabaquiao ng 7-Jupiter, Faye de Castro at Sano Amante ng 8-Firefly, Rya Celine Ducusin at Benjomer Hernandez ng 9-Gold, at Cara Mae Bilangel at Ramon Timothy Banta ng 10-Lauan.
Ang mga nagwagi sa Rampang Pinoy.
L-R: Jepoy at Jessica (Grado 7), Sano at Faye (Grado 8), Benjo at Rya (Grado 9), Monty at Cara (Grado 10)

Sa taong ito, ang mga tema na dapat irampa ay ang mga sumusunod: Panahon ng Kastila (Grado 7), Panahon ng Propaganda at Himagsikan (Grado 8), Panahon ng Amerikano at Hapones (Grado 9), 1946 hanggang kasalukuyan (Grado 10).

Ang mga kalahok sa Rampang Pinoy mula sa Grado 7-10.
Pagkatapos rumampa ng mga kalahok, nagpakita ng kagalingan ang lakan at lakambini ng Sangguniang Pangwika at Kilusang Araling Panlipunan pati na rin ang mga guro na sina Bb. Ailyn Ligon, Departamento ng Sining Praktika; G. Raymond Quiambao at Bb. Jessa Cadacio, Departamento ng Agham; Bb. Katrina Ortega, Departamento ng CA Filipino; at G. Brenson Andres, Departamento ng Araling Panlipunan.

Unang UPIS Idol, hinirang

ni Angela Aquino

Nahirang si Tristine Badong ng Batch 2012 bilang kauna-unahang UPIS Idol sa patimpalak sa pag-awit na ginanap sa Multi-Purpose Hall noong Agosto 31.

Mula sa labinlimang kalahok, anim lamang ang nakausad sa nasabing paligsahan. Ang mga ito ay sina Cheska Ardon at Tracy Carreon ng Batch 2015, Deneese Montalbo ng Batch 2014, Mikee Neri ng Batch 2013, at sina Badong at JC Catungal ng Batch 2012.

Nakakuha si Badong ng 97.5% para sa kanyang rendisyon ng awiting Salamat. Kasama niya sa top three sina Cheska Ardon na umawit ng Hahayaan mo ba? Papayagan mo ba? at JC Catungal na kumanta ng Kahit Isang Saglit.

Ang lupon ng inampalan ay pinamunuan ni Mr. Luigi Teola, ang pangulo ng UP Singing Ambassadors. Ang kasama niyang mga hurado ay sina Prop. Rowena Del Castillo, puno ng Departamento ng Filipino, Prop. Michael Angelo Dela Cerna, Bb. Zyra Cruz, Prop. Grace Sumayo, at Bb. Jean Katherine Sales. (YM, CC)

Acquaintance Party, idinaos

Anna Angala at Jomil Gutierrez

Idinaos sa Multi-Purpose Hall ang Acquaintance Party ng Batch 2014 (Grado 8) at Batch 2015 (Grado 7) noong ika-22 ng Agosto sa ganap na ika-1 n.h.

Nilayon ng pagtitipon na ito na magkakilanlan ang dalawang batch, magkaroon ng bagong kaibigan, matutong makisalamuha sa iba, at magpakita ang bawat batch ng kani-kanilang talento.

Nagmula ang pondo ng Acquaintance Party sa mga nalikom na pera galing sa proyekto ng Grado 8 na pangongolekta ng mga recyclables.

Children's party ang tema ngayong taon. Narito ang ilan sa mga may pinakamalikhaing kasuotan noong araw na iyon:

L-R: Fryl Vicente, Deneese Montalbo, Leoneri Ramos, Klyve de Guzman, Ana Isabelle Amano, Quiela Salazar, Andrew Pulumbarit

Literary: Kung Ako'y Isang Lalaki


Opinion: Underdog

ni Ysmael Mendoza

Matagal-tagal na ring umaasa ang UPIS na muling makamit ang kampeonato sa UAAP Juniors Basketball. Sa kasaysayan kasi ng UAAP, isang beses pa lang nagkamit ng unang pwesto ang koponan ng UPIS at ito’y noong 2002 pa.

Sa mga istatistikang nakukuha ng Juniors, hindi maalis sa isipan ng koponang ito na mahina ang Junior Basketball Team. Tila nakatatak na sa isipan ng lahat na sa tuwing maglalaro ang UPIS, siguradong panalo na ang kalaban. Masakit mang tanggapin, ngunit kadalasa’y ito ang nangyayari.
Subscribe to: Posts (Atom)