Sa loob ng kabibe, ika’y nagtatago

Bulag sa iyong kagandahan at halaga

Nagtataka kung kailan ang pagbabago

Kung kailan makararanas ng aruga

Hinihintay makita ang sikat ng araw

Pagbukas ng kabibe ang inaasahan

Hangarin ang kumalas sa bigat ng bughaw

Kinabukasan ang iyong pinagmamasdan

Iniwasan ang kabibeng nakasusuklam

Ang hinahanap ay likas yaman na litaw

Iniiwan ang kabibe, walang paalam

At ikaw ay nangangarap na may dadalaw

Tahimik na naghihintay sa pagbukas

Hinahanap, pagmamahal na kailangan

Hangarin ang may tumulong sa’yong kumalas

Naghihintay, ang perlas ng ating silangan

The UPIS is one with the UP Community on its stand on the proposed military presence in schools. Read the statement below.