filipino,
Literary (Submission): BABALA
Babala
Baka hindi mo kaya
Babala
Di madali ang mga susunod na eksena
Babala
Teka
Bakit ka nga ba nandito?
Bakit mo ba pinili 'to?
Sigurado ka na ba sa desisyon mo?
Una pa lang ay binabalaan na kita
Sa totoo lang pwede ka pang tumakbo at tumakas
Bakit nandito ka pa?
Handa ka na bang mabaliw at gumawa ng sarili mong lapida?
Magpahinga ka na kung ako sa'yo
Mamaya kasi may ipababasa ako
Maiksi lang, mga tatlong makakapal na libro
Dapat mamaya ay makasulat ka na rin ng reaksyon mo
Kung sa tingin mo’y hindi mo kakayanin,
ngayon pa lang, makalalabas ka na.
Bakit nandito ka pa rin?
Sigurado ka na ba talaga sa nais mong pasukin?
Mahal mo ‘no?
Kaya kahit gabing-gabi na, pinagpupuyatan mo
Mahal mo ‘no?
Kaya kahit alam mong masakit, itutuloy mo
Mahal mo ‘no?
Sino ba kasing sira ulo na pahihirapan ang sarili
Kung alam namang talo sa huli?
Sandali
Pagiging MC nga pala ang pinag-uusapan hindi pagmamahal na walang sukli
Sa MC nga pala lahat ng pagod, nababayaran
‘Di tulad sa relasyon niyo na kahit anong pagod, parang wala pa rin naman.
Sa MC nga pala para ka nang patay kahit buhay ka pa rin ‘di ba?
‘Di tulad sa inyo na patay na patay ka pero hindi naman ikaw ang buhay niya.
Bakit mo pa pinipilit na ituloy ang pag-ibig niyo?
Pag-ibig ba talaga, tama ba ang sinabi ko?
Hindi ba ang pag-ibig dapat pareho kayong umaangat?
Eh bakit parang ikaw na lang ang hindi nagpapaawat?
Bakit kahit alam mo na matagal na siyang bumitaw,
Hindi ka pa rin umaayaw?
Buti pa ang MC kapag minahal mo,
Binigay mo ang lahat pero mababalik nang buo.
Alam ko na kung bakit di ka pa rin umaalis,
Siguro MC ay matagal mo nang kilala,
Alam mo na siguro na ito yung kahit pagpuyatan mo,
Hindi ka talo.
Ito yung kahit lahat ng oras mo’y ibigay,
Panghihinayang ay hindi man lang dadapo sa iyong ulo.
Siguro alam mo na
Na ito yung pag-ibig na kahit ilang beses mong iyakan,
Kahit ilang beses mong sinubukang sukuan,
Kahit lahat ay gusto mo na lang takasan,
Sa dulo, ang lahat ng iyon ay iyo lang pinagdaanan
At makikita mo na ang lahat ng iyong naranasan
Ay humubog sa'yo para mas lalo mong galingan!
Sa MC,
Kapag ika'y sumali,
Hinding-hindi ka magsisisi,
Pero kung sa kalagitnaa’y biglang gusto mo na lang sumuko,
Tandaan mo,
Hindi nagkulang ang babala ko sa'yo
Pero tandaan mo rin
Hindi ba pagsuko'y ‘di darating kung totoo mong mamahalin?
0 comments: