coruscate,

Literary: Mimosa Pudica

2/21/2019 08:20:00 PM Media Center 0 Comments

Bakit ganon?
Bawat sandali tila tagsibol
Bawat sulok sinisikatan ng araw
Nagniningning, namumulaklak
Nagiging malaya

Bakit ganon?
Magtagpo lang ang paningin
Ramdam na ang pagkamangha
Lumalapit, napapalapit
Pero mapanukso

Bakit ganon?
Matatag man ang pagkakatayo
Sa isang diit lang ng palad mo
Kumukubli, yumuyukod
Ako na'y guguho

Bakit ganon?
Ramdam sa buong katawan
Sindak mong sinlakas ng lintik
Nangibabaw, nangangatal
Ako na’y humina

Bakit ganon?
Wala man lang akong kaimik-imik
Watak-watak ang aking isipan
Natataranta, natotorete
Bumigay ang loob

Bakit ganon?
'Di naman sa ako ay natalo
'Di lang rin ata ako nanalo
Nag-aalangan, nahihirapan
Basta sobrang gulo

Bakit ganon?
Kahit madaanan man ang lahat
Tila walang nagbago
Tumatamlay, sumisigla
Basta masaya ka