nico javier,

Sports: UPIS PEP Squad, muling lumahok sa Pep Rally

9/11/2018 07:37:00 PM Media Center 0 Comments



PYRAMID. Matagumpay na naisagawa ng UPIS Pep Squad ang kanilang huling pyramid stunt
noong nakaraang UP Pep Rally. Photo credit: Marco Sulla
Muling lumahok ang University of the Philippines Integrated School (UPIS) Pep Squad sa University of the Philippines (UP) Pep Rally noong Setyembre 4 sa UP College of Human Kinetics (UP CHK) Gym.

Kabilang sa mga sumayaw na miyembro sina Marlon Nahial ng Batch 2019; Nathan Banatao, Charles Bucas, Archie David, Kurt Gabriel, CJ Herrero, Ned Pucyutan, James Rafin, Roel Ramolete, at Kayla Vega ng Batch 2020; Hiraya Brito, Cheska Candido, Reneil Grimaldo, Justin Polendey, at Kath Tapel ng Batch 2021; EJ Avendaño, Joanna Bacud, Warrick Castillo, at Rafael Ching ng Batch 2022; at Mariel Buenaseda, Kairyn Cruz, Samantha Lagunilla, Amira Llaneta, Jenn Rafin, at Charlize Yamo mula sa Batch 2023. Kasama nilang nagtanghal ang iba’t ibang varsity teams at dance groups ng UP sa nasabing programa.

Nang tanungin tungkol sa karanasang ito, “Masaya at nakakakaba kasi [ang pag-perform]. [Ang paggawa ng] stunt[s] one after another ay sobrang nakakapagod at mahirap. [At] may sayaw pa,” ang sinagot ni Marlon Nahial na ikalawang beses nang nagtanghal sa Pep Rally. “Pero once na marinig mo ‘yung hiyawan ng tao, nakaka-proud siya [at] mawawala talaga pagod mo while performing,” dagdag niya.

Isinasagawa ang UP Pep Rally taon-taon bilang pagsalubong sa pagbubukas ng panibagong University Athletic Association of the Philippines (UAAP) season na ngayon ay pang-81 na.

Ito na ang ikatlong taon ng pagsali ng UPIS sa naturang palatuntunan. //nina Ria Amano at Nico Javier

You Might Also Like

0 comments: