news,
Ito ang
unang lakbay-aral na ginawa muli ng paaralan matapos pagbawalan ng Department
of Education (DepEd) ang mga
lakbay-aral simula noong Pebrero 2017 dahil sa trahedyang sinapit ng ilang
estudyante mula sa Bestlink College of the Philippines sa Tanay, Rizal.//ni Nica Desierto
Lakbay-Aral, isinagawa muli ng UPIS
 |
STARSTRUCK. Nakilala
ng mga estudyante ng Batch 2020 at ilang guro ang artistang si Micheal V. sa
GMA station. Photo credit: Leng Painaga
|
Nagsagawa ng lakbay-aral ang mga mag-aaral ng Grado
10 (Batch 2020) at Grado 11-MH del Pilar (Social
Sciences and Humanities o Soc Sci
track ng Batch 2019) noong Enero 22, at ang Grado 9 (Batch 2021) noon
namang Enero 29.
Layunin ng aktibidad na mamulat ang mga estudyante sa
iba’t ibang track at karera na maaari
nilang pasukan sa hinaharap, bunsod ng sistema ng tracking na mahalagang
elemento ng senior high school program ng K-12.
Pinuntahan ng Soc Sci track ng Batch 2019 ang
Philippine Mental Health Association (PMHA), First Academy of Computer Arts, at
Radyo Veritas. Nilibot naman ng Batch 2020 ang Elite Techno Park, Sweet Harmony
Gardens, at GMA 7. ABS-CBN at Max’s Restaurant naman ang binisita ng Batch
2021.
Hindi natuloy ang pag-oobserba sa Hall of Justice ng
Soc Sci track dahil walang naabutang paglilitis ang klase. Itinuloy nila ang
pagbisita rito sa sumunod na linggo, Enero 29.
Ang mga lugar na pinuntahan ay pinili kaugnay ng
tatlong track na inihahain sa senior high school program ng UPIS: Applied
Sciences and Engineering, Business and Entrepreneurship, at Social Sciences and
Humanities.
0 comments: