filipino,

Literary: Chopped Pork

1/25/2018 08:18:00 PM Media Center 0 Comments

Unti-unting pinaghihiwalay,
Dahan-dahang hinimay
Ang bawat piraso
Ng porkchop sa plato

Sa unang kagat,
matitikman ang sarap.
Sarap ng pakiramdam na may nagbabasa
At may natatawa sa akdang likha niya

Sa pagpapatuloy ng kwentuhan
Matatanto na walang kwenta ang mga istorya
Dahil ito ay nalikha para lang sa kalokohan
Gayunpaman, mapapagaan niya ang iyong kalooban

Sa paglunok ng bawat piraso,
Mararamdaman ang pagkabusog
Busog ang iyong isip
Sa kuwentong kaniyang hatid

Salamat, Porkchop
Dahil ako ay nabusog
'Di lamang sa tiyan
Pati ang aking puso’t isipan
Hanggang sa muli,

Paalam.