filipino,

Literary: Paano Kung

9/08/2017 07:44:00 PM Media Center 0 Comments

Dumating ka na ba sa puntong,
Kailangang mamili sa dalawa?
Gigising ka ba,
O matutulog pa?
Aabsent ka,
O papasok sa eskwela?
Aaminin mo ba sa kanya,
O hindi na, dahil torpe ka?

Suko na,
O tuloy pa?
Mahal mo pa,
O ayaw na?
Ngunit sa kabila ng pagpipilian
‘Di alam ano‘ng kahihinatnan
Kahit iyong isaalang-alang
Nakaraan,
Kasalukuyan,
O hinaharap man,
Sa kabila nito
Lahat tayo
Sigurado
Babalik at babalik pa rin
Sa araw at oras na iyon
At tatanungin,
Paano kung iba ang pinili ko?